سلام
طبعا اغلبكم ما يعرف محسن صديقي الجديد في امريكا ..
اول شي اسم محسن ما ينطق كذا محسن وخلاص
لا : ينطق .. م < عليها ضمه .. ح < ساكنه .. س < كسره تحتها .. ن ساكنه
يعني كنكم تقولين (موحسين)
انتهى درس النحو
...
انا يالربع كنت انسان فطفوط على قولة باريس .. يعني اذا خربتها مره مره لبست ثوب
ما دريت الا واحد من الشباب يكلمني .. قال ياصرخه العلم سلامتك .. فيه رجالن عندي اسمه محسن بن نجر الفلاني < وش بيكون يعني ؟ العتيبي معروفه .. اجل محسن ونجر ويطلع الرحباني من لبنان
المهم قال لي الولد يقول ان حلم حياته يروح امريكا .. انت بس خله يجي شهر عندك ويرجع
عاد انا قلت تم .. ومنها فرصه اتعلم كلام البداوين هذا ..واصير رجال واعرف علوم القبايل
عاد الرجال علمني قال لي ترا محسن ماشفنا وجهه لنا سنه .. الرجال داق اللطمه 24 ناقه < بيقول ساعه خخخخخخخخخخ
والرجال ترى ما تروش من حج عام 1423 ..يوم سير على خاله في الرياض ..وحتى دخل تحت الدش دقيقه وطلع ..يقول لا عز الله شريته للغنم هالدش الطيب
يعني اخر يوم تروش فيه موب مسجل فالتاريخ ..
والرجال ما غير سرواله له 5 شهور ..والبقع الصفراء قالبته حليبي..تقول تكميلة نادي
عاد انا تحمست ..قلت احسن ابغاه زي ماهو .. خلوه بغباره
المهم جاني الاخ موحسن ..والطياره فاضيه ..يقولون ان الركاب كلمو الرحله سباحه فالمحيط .. ماعاد يتحملون الريحه ..
عاد ابااطه يقولون فيها ثاني اكسيد حليب النياق
المهم استقبلته وركبته في شنطة الموتر ووديته البيت وشلت شعره على الزيرو لأنه وبكل صراحه القمل يلعب سامريه هناك
مرت الايام وطلع محسن نظيف .. لكن للاسف ماتغير فيه الا شكله ..والا اطباعه وكلامه لللحين ..
اظطريت اودي الاخ محسن للمستشفى واكتشفو انه مدمن يالله لا تبلتينا .. انا على طول قلت اكيد حليب نياق ..قالو لي لا .. مدمن قهوه .. قلت على العز والله
الاخ محسن صايرن يشرب زمزميتين قهوه ومكثر فيها الهيل والمسمار ..
عاد هو اللي علمني اسوي قهوه ..
علمني كلمات زي (ابك .. الشعيب..)
وانا صراحه قاعد استفيد من هالظاهره الحيه والاسطوره الصحراويه .. وقاعد اتأمل فيه كل يوم واقول سبحان الله واطالع في صورة ضب على جهازي واقول (يخلق من الشبه اربعين)
طبعا هذا ومحسن ماله الا شهر عندي .. فما بالكم انه بيكمل دراسه 5 سنين
يعني لا تستغربون بكره لو اتكلم فرنسي ...
المهم صديقي محسن يبلغكم سلامه ويقول كلها كم شهر واتعلم نت واجيكم مطبح
برب
مواقع النشر (المفضلة)