السلام عليكم ورحمة الله وبركاتة
كيف حالكم كل واحدن بأسمه "المستعار"
اذا صار الواحد فاضي ومايدري وش يسوي ومفهي كل الي بالبيت ماسك غرفته
ولي مهوب يمك والي عند التلفزيون فاتحن ثمه بس لا شغل ولا مشغله
وانا الله يسلمكم عطلت وفضيت وضايقن صدري والوالده الله يطولي بعمرها
تقولي لا تطلع مع اخوياك اخاف عليك من الدشير حقين الشوارع
قلت يبن الحلال قلب بالملفات الي بالجهاز احسن من الدوجان
بالشوارع والله والقى موضوع من زمان حافظه عندي
وقلت خلني اعيد صياغة الموضوع واحترف فيه ونزود عليه توابل
ونشوف اراء حبايبنا بالزين وخاصتن الي يهددون بالقسم العام ويقولون نبي نشوف مواضيع
مالكم بالطويله
موضوعي عن الأسلوبim24
أسلوبي أول كان اقل من الضعيف ومااعرف اي معلومه ولااعرف اعبر ومابه سناااعه ميح جدن
والسبب اتوقع اني منيب اقراء الجرايد او الكتب واتثقف واجلس مع الي عندهم علوم كل
الاشياء (الرياضه وطب ودين واخبار وفن.. وألخ) ومثل مايقولون فيه شهاده تأخذها من المدرسه وفيه شهاده تأخذها من الشياب:28ar: او من هم اكبر منك سن
فيه بعض الايام تروح لم ناس تشوف واحد منهم هو سيد المجلس ما شاء الله عليه فاهم في كل شي ومايسكت حاجر على الكل بمعلوماته ما شاء الله
وبعض الايام مجلس فيه اهل علم وضباط ودكاترهـ وتشوف واحد عادي جدن
مدرس او موظف حكومي عادي تشوفه ما شاء الله فاهم اكثر من ذولي
هنا علطول مخك يقول ما شاء الله عليه ذا حاجرهم في كل سالفه
ويعطي معلومات اهم مايدرون عنها كل واحد فيه أشياء تميزهـ عن غيرهـ من أي
ناحيه سواء النت او بالحياة العامه فيه شباب تفهم بالسياسه تقول مخاوي كولن باول:50ar:
وشباب يفهمون بالسيارات وشباب بالنت وغيرهم بالتصاميم..والخ
أعرف اني طولتها بس الحبر مايخلص بالمنتدى فـ قلت خلني اسولف عليكم واعطيكم سؤال
سؤالي لكم يا اهل الزين هل دخولك لـ عالم النت غير في اسلوبك مع الناس في داخل النت وفي خارج النت؟
وأذا الجواب بنعم
هل غيرت فيك أمورا ومامدى تأثيرها عليك؟
وأتمنى كل واحد يكتب التغيرات داخل النت وخارج النت
ايه وهيك بس يالله عاد شدو حيلكم بالأجابه
::الأماكن::
مواقع النشر (المفضلة)