تحذير صحي :
ان قراءة هذا الموضوع سبب رئيسي لأمراض الصداع والمغص
صراحه انا من عادتي احب اطلع اهلي للبر
فا اخذتهم معي البر
وحنا جالسين كان ودي ادخن فا صعبه ادخن عند اهلي
قلت ابي ابعد عنهم علشان ادخن
قعدت امشي تقريبا مسيرة يومين
وبعد ما وصلت وطلعت الزقاره
لقيت انه ما معي ولاعه :(
يؤ يعني لازم ارجع مسيرة يومين علشان الولاعه
لازم القا حل للموضوع هذا
قعدت ادور على ولاعه ما لقيت
لمحت ضب بعيد عني
قلت له يا بو الشباب معك ولاعه
طالع فيني الضب بنظرات استغراب !!!!!!!!!!!
وش تبي انت؟ انا ضب المفروض ما اتكلم ؟؟
طيب هذاك تتكلم معك ولاعه
بص حضرتك انتا عارف اني قني (جني) من طنطا عاوز اتمشى شويا ما معيش ولعات ولا حاقه
اقول أها بس عطنا ولاعه يعني جني وما تعرف تولع نار والله انك جني سياحي
ايه اللي قني سياحي دي؟ انا راح اديك اللي احسن من الولاعه
وش تبي تعطيني ؟؟
شوي الا طلع دخان كثيير وفيه على الارض صندوقين فتحت الأول لقيت فيه بطاقات عائله مليان الصندوق بطاقات عائله وكلها اقل كرت في 7 اشخاص
!!!!!!!!!!!!!!!
وش ابغى بذا الكروت ؟
أيه اللي ايش تبغى دي يبني كنز كنز انتا تروح تكتتب بكول دي الكروت وحيطلعلك ملاييين
ولو شكلك هامور اسهم الا ما ودك ترفع سعر التعمير تراني متعلق مع خشم خشمي
وفتحت الصندوق الثاني لقيت فيه شهادة ميلاد كثيره
وحده منها لعنتر بن شداد يؤيؤيؤ بس فيه عند اسم الأم حاط عليه طامس الخال مايبي احد يشوف اسم امه هههه
لكن على مين تلعبها
واجيب موس ابي امسح الطامس
بعد ما مسحت وخلصت طلعلي لقد ربحت وجبة من ماكدونالدز
يستهبل الخال
==============================
رجعت البيت وما دخنت :(
على فكره انا اذا جيت انام احط عند راسي كاستين وحده فيها ماء والثانيه فاضيه
علشان اذا قمت من النوم عطشان اشرب اللي فيها ماء واذا قمت مو عطشان اشرب الفاضيه
وكمان عندي 2 بلايستيشن 2 علشان اذا طفشت من الأول العب بالثاني
والله اني ذكي يا عالم بس محد معطيني فرصه انتم عطو سداح فرصه
===============================
احلى شي اذا كنت قاعد تتفرج على نمر بن عدوان وطلعت ( وضحـى )
ومنسدح عند التلفزيون وبقمة السعاده
ويجيك اتصال من واحد فكوك يقولك وينك ؟؟
===============================
انا اعرف ان الناس تطلع بعثه للدراسه ببريطاني بأمريكا بنيوزلندا
لكن تطلع تدرس باليمن معلييييييش صعبه شوي :)
==============================
مايستفاد من الموضوع :
ولاشي :)
ملاحظة** : تروني مـآ آدخن .. بس لزوم الموضوع خخخ
تـحياتي MR.BLACK.TNT
مواقع النشر (المفضلة)