[poem=font="Arial,6,red,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
لامن ذكرت اللي بجوفي من اعوام = هاجت هناديبي ومنها تقلبت
من سبته حلمي غدا كله اوهام = مثل الجليد إيذوب منها انا ذبت
ياباني ٍ حلمك على قطع الارحام = ياساعي ٍ في صد الاخوان ماتبت
من كف صاحب ماحسب حقد نمام = قبل العشاء عنده انا ليلة السبت
حوله بطانه هدفو بي بالعدام = مدري ولا يدري ومن يكشف الغبت
اكد وقننها على كيف الاكرام = اكد وضبطها على الكيف وانصبت
ضويتها معلم ومن غير لزام = وشلون شري في يميني تعذبت
كتمتها مابين الاضلاع بحكام = لو كنت سامعها من الغير كذبت
بالكف تبعد بعد وسطى عن ابهام = وياقربها بالعين لامن ترقبت
مدري حسد مدري على ويش منظام = ياللي بقطع العرق فيني تسببت
يوم يمر اليوم من عرض الايام = أرجي وترجي منه شابت وانا شبت
مشكاي للي ناصر ٍ خلق الاسلام = محيي عروق ٍ بايده تسقي النبت
تفتح لعبدك باب رزقك والانعام = وتحميه من كيد الحواسيد لا طبت
انت الوحيد بخافي السر علام = وانت الوحيد إن غابت الناس ماغبت[/poem]
مواقع النشر (المفضلة)