السلام عليكم ورحمة الله وبركاته
هل ذهبت الى سوق المعيقليه بالرياض...؟
هل ذهبت الى سوق الجرده..ببريده..؟
هل ذهبت الى سوق الغنم بحائل..؟
جوالكـ اذا كنت بالمناطق هذي فيه ابراج .
جربــت أو لا..؟
ياجماعة الخيــر ..صلو على النبي..وعيدو الصلاة مره ثانيه
انا فيه موضوع شغل بالي كثيــر:18ar:
لما تذكرته قمت اضحك من كــل قلبــي..
سؤال داخل عرض..
س/ هل الفول فيه عبس أو لا.؟:wink:
طيب شطه كرستال ليش طعم حلو مع الفشفاش.؟
نرجع لمحور حديثنا.
انا الحين سولفت وضحكت وانبسطت..
ندخل بالموضوع..
والا اصبرو..مكالمه..
هلا بندر
هلابكـ
وين انت
والله بالبيت
متى قمت
اصلن مانمت
خلاص مرنا بالأستراحه
وجب معك البلاستيشن وشريط كراش
خلاص دقايق وانا جاي
مع السلامه..
ايوه وين وصلنا..
ياجماعة الربع..انا براسي موضوع..im24
قاعد اكتب ومدري من وين أبدأ..
تذكرون اول ماطلعت الجوالات وقيمتها 10 الاف..
اتحدى واحد فيكم اذا هو طلعها..
لأن ذاك الوقت مايطلعه الا الناس اللي معها دراهم
وعلى قولة المثل (اللي معه فشق يرمي)im24
والا الباقين..كانو يحلمون بشي اسمه جوال..
فكرو معي تذكرون
الناس اول تحط معاليق للجوال بمخابيه علشان يقولون احلى معه جوال
im22هههههههههههههههههههههim22
وشوي شوي نزل سعر الجوالات..صار 3500 ريال..
وقتها لو تقول لأي رجال..طلع جوال لمرتكـ او بنتكـ
يزعــل عليك ويقول لكـ عيب.. الجوالات للرجاجيل..
ويمشي بنا الوقت والزمان وتجي فلانه بنت فلان
يطلع له رجله جوال عائلي بالخفيه.. ههههههههههim22
وتكشفها اختها وتروح تطلع مثلها ..والا اللي تزوج على مرته..
شرا لجارته الجديده جوال..ولد المره الأولى شاف جوال مع مرت ابوه..
راح علم امه زعلت وراحت لأهله..وعيت ترجع لين يطلع له جوال..im22
الزبده تذكرون كل هذا..مستحيل احد ينكره..
بس وقتنا هذ الحين..
الواحد من يطلع من بطن امه معه شريحه ملزقه بسره من الاتصالات..images11
ياسبحان الله..
الشريحه الحين صارت ببلاش لاو وحصلكـ هدايا معه..
احنا بصراحه تجبرنا الضروف اننا نتغير بس بشويش
يعني الجوال كان اول مستحيل احد يفكر ان بنت معها جوال
وتطورنا وصار معها جوال تحصله عائلي..فتره بعد فتره
صار عام..آآآآآآآآآه بس
وجتنا سواء نتكلم سواء ..ونـ ..........سواء
الحين البقالات تبيع شرايح على 10 ريال..
يعني 150 ريال او اقل بعد تطلع أحسن جوال..
ياسبحان الله تحصل الواحد معه ثلاث جوالات مدري وش يبي فيها
شركة الأتصالات احتفلت بـ 11 ملــيون رقــم جوال مستخدم..مابين عادي وسواء..
وأيضاً موبايلي..احتفلت بـ6 مليون جوال ...
يعني لو نبي نقسهما..تبي تطلع الحسبه صحيحه حتى الحامل شارين للي في بطنها جوال..
بس ينتظرونه يطلع..
بعــدين نزل الجــيل الثالث..الرجال بس معه شريحة الجيل الثالث..
المرأهـ لا..ويلعبون عليها يقولون الشريحه تصور..
افلوقوني كلها فترهـ ..وتلقون كل الحريم معها الجيل الثالث..
وتسولف بالكمره..
وهذا التــطور..لحظه مكالمه
هلا بندر
هلابك
ياخي وينك ساعه قل ماني جاي من اول
خلاص لاتزعل جااايكـ هالحين
باااي
يالله مع السلامه شوي شوي على الموضوع..
ابرجع..بعد شوي
++أحترامي++
مواقع النشر (المفضلة)