السلام عليكم ورحمة الله وبركاته
بآريس في السعودية !
[align=right]بآريس - منتديآت الزين[/align]
[align=justify]وبينما كنت أنا في عالم النت " اتصفح يميناً وشمالاً " وإذا " بواحد من الناس الله يستر عليه " قالي : أنت بآريس ( هنا نقطة لازم ننتبه لها الا وهي " الدلاخة في بعض الناس " يعني واحد يوزرة بآريس وش راح يكون يوزرة يكون ديو مثلاً؟ ) .. قلت ايه انا بآريس أمرني يالغالي .. قالي ليش اسمك بآريس ومكان الدولة اللي انت فيها مكتوب ][ الــســعوديــة ][ ؟ قلت قبل أجاوب عليك ابي اسالك يوزرك وش ؟ قال يوزري مسافر للأبد ! .. قلت طيب أنت سافرت ؟ قال هههههههههههههه والله الود ودي اطلع من السعودية : ( .. قلت طيب بما إنك ما سافرت بالمرة وتحلم بالسفر تحاسبني على يوزري وأنت أصلاً اليوزر من راسك ؟ طيب حتى أنا يوزري من راسي !! .. < ياخوي على شحم انت ومقدمتك الفاشلة " فيس واحد ودهـ ينجلد "
صراحة انا طرى لي شي الا وهو اليوزرات والصور الرمزية ,, فبعض الناس من زود الذكاء عندهـ يجي ويقول أحس إن فلان رسمي ومزيون .. وأقولة وش دراك ؟ يقول شوف صورته الرمزية .. فمن هنا اكتشفت إن اليوزرات والصور الرمزية تخلي الواحد يخمن شكل اللي قدامه ,, وجاء في بالي أنا هل الأعضاء يتخيلون إني " ياسر القحطاني " بما إني كنت سابقاً حاط صورة ياسر القحطاني ؟ والحين غيرت صورتي الرمزية وصرت حزين والأعضاء يتكلمون معي على اساس يشفقون علي أو يتكلمون معي لى اساس إني رومانسي حزين ؟! ..
الإنترنت في هو عالم أخر في هذهـ الدنيا .. ولكن بقارق شاسع جداً ,, الا وهو إنك أنت تخلي الناس يتصورون شخصيتك بالأشياء اللي أنت تسويها .. ( يعني تسوي انسان يمثلك في عالم النت ) .. اسم جديد ,, صورة حلوة ,, تجمع كذا شي يعجبك وتخليه يعتبر من شخصيتك ,, الشي ذا أنت ما تقدر تسوية في حياتك العادية فقاعد تكملة في الإنترنت ,,
فهناك بعض السوالف اللي تكون بين الشباب خصوصاً لما اعرفهم من النت واوري واحد صورتي مثلاً أو اقابله فيقول أنا ما توقعتك كذا توقعتك واحد " دب " ووجهك شبهه و دايم لابس ثوب ودايم ودايم " فأكون كأني شيطان بنظرة " في البداية قبل لا يعرفني وبعدين يذكرني في سوالف مرت علينا في المنتدى ويقول أنا كنت اكرهك ياخي من صورتك الرمزية لدرجة إني اتخيلك نفسها في بالي وعشان كذا ما ارد عليك ولا اتفق معك ولا اسولف بسببها .. !! .. < الله يكفينا الشر " واحد خايف "
بعض الناس يكون انطوائي جداً وما يتكلم في حياته ولكن إذا دخل النت يكون هو في حالته الطبيعيه بتعاملة وكلامه وجرائته ولكن لما يرجع إلى طبيعته يكون انسان منعزل ولا تسمع له ولا همسه . فيفضل النت كثيراً لأنه حصل له المكان اللي يأوي إليه وياخذ راحته جداً ,, فالإنترنت صح انك تقابل الناس ولكن هم لا ينظرون إليك .. فبعض المرات أكون توني ماخذ دش " شور " متسبح ,, ولابس فلينه وسروال داخليه والمنشفة فوق راسي ,, وداخل قسم النقاش قاعد اتناقش في بعض الأمور ,, فالناس ما تشوف غير يوزر وصورة رمزية واللقب والتوقيع ,, ومن خلال ردي يقيموني ,,
هناك بعض الناس يأخذ اللون " مشرف أو عضو مميز .. إلخ " للإحترام فيحترم الألوان قبل أن يحترم الأشخاص نفسهم .. وناس تحترم الشخص من يوزرة .. " الإسم عاجبة " وناس تحرم الشخص من صورته الرمزية .. وربما ناس يخافون من الشخص عشان صورته الرمزية طالعه كأنه ( واحد عضلات يخوف ! ) وهو أصلاً ما عندهـ ولا عضلة واحدهـ ..
فبعض المرات الواحد ينصدم من اللي يعرفة لأنه أخذ صورة سابقةعن شخصية العضو اللي قدامه من يوزرة وصورته الرمزية .. فيبدأ العقل الباطني يصحح المعلومات بإندهاش < اللي يشوفني يقول داخل عقول الناس " فيس واحد متخيل صرخة بعير بدوي ولابس ثوب وصخ ولحد الأن موب متخيل شكلة إنه في أمريكا والمصيبة إني كلمته جوال اتاكد ولكن العقل عندي يرفض إني ابدل المعلومات ويقولي : بآريس تعوذ من الشيطان وخل تخيلاتك في محلها " ..
لذالك الإنترنت يمكن أن يكون علاج للأشخاص الناقصين " بنظرهم " فيكمل من النقص المادي اللي عايشين فيه في حياتهم .. فيكون كأنه " أمير " بين الأعضاء " اللي هم ناس بالحقيقة " لأنه مضبط وضعه بالصور والأسماء المستعارة .. فتكون حياته على التخيلات ويكون الأعضاء نفسهم متخيلينه كما رسم شكلة ,, فيكون صداقات بين الأعضاء ربما لم يستطع يكونها مع " عيال الحارة " < مانيب قايل الا ليت الزمن يرجع أخاف لو رجع اسقط في ثاني ثنوي مرة ثانية " فيس يقول ياسمجك "[/align]
[align=center]انتهت بربرتي $222[/align]
مواقع النشر (المفضلة)