السلام عليكم ورحمة الله وبركاته :
ندخل بالموضوع على طول وبدون مقدمات ..
انا ملاحظ في هذا المنتدى وليس فقط هذا المنتدى بل في اغلب المنتديات الا ماقل .. لاكن انا طبعا يهمني هالمنتدى لاني احد اعضائه ..
المهم .. انا ملاحظ ان الاعضاء مايردون على المواضيع !! ياخوان الموضوع يكون العضو تعبانن عليه وماخذ عليه مثلا يوم او نص يوم وهو يشيل ويحط يحذف ويبدل ( طبعا الكلام عن الموضوع اللي من صنع العضو وليس الموضوع المنقول ) المهم بعد كذا ينزل الموضوع في المنتدى وتلقاه كل بعد ساعه ولا ساعتين يناظر به احد رد .. ويتفاجأ ومايحصل احد رد !!
طبعا يقول في نفسه يمكن محد شافه خلني انتظر يوم ولا يومين .
بعد يومين يجي للموضوع يحصل الردود أربعه واللي مشاهدين الموضوع 55 مهو بقهر ياشباب !!!
طيب نجي هلحين للعضو .. بالله وش راح تكون نفسيته << والله احس انه بيسحب على ام المنتدى ..
هل انه راح يكتب موضوع ثاني .. ولا راح يتذكر موضوعه الأول ويقول انا وش اللي يخليني اتعب واكتب وبالأخير الردود أربعه ألعن ام القهر !!
طيب هلحين نجي للناس اللي مايردون اللي يدخل الموضوع اوما يشوف الصور او يقرا ويمشي ياخي رد ياخي قول اي شي قله على الاقل شكرا على جهودك على الاقل ترتفع المعنويات شوي ..
هل يعني لازم نحط جوائز لافضل رد عشان تردون !!
المهم اللي عنده حل يقولنا عشان يعني مانتعب انفسنا ويريحنا من البدايه !!!
آسف على الأطاله ياشباب وتبقى هذي وجهة نظر خاصه فيني .. فما ادري هل تأيدوني عليها او ماتأيدوني .
<< خايف انه يجي الموضوع بعد يوم او يومين يحصل المشاهدات 60 والردود اربعه << راح ينفجر في مخه عرق
مواقع النشر (المفضلة)