السلام عليكم ورحمة الله وبركاته
شسمه بدون مقدمات وخرابيط
ذا الأيام تذكرت حرمة أنا اعتبرها من الداعمين للطفولة
اسمها خالة نوره "الله يغفر لها ويرحمها"
مستحيل تدخل عليها وما تعطيك شيء .. وما عندها حبه حبتين
تتعامل بالكراتين
عاد امي ما تخلينا نروح لها كلنا واحنا نتضارب كل وحده تقول انا اللي بروح :24ar:
اما العيد عندها شيء بصراحه
...
وفيه حرمه ثانية تصنف على أنها من الداعمين للطفولة بعد هذي ام جيراننا او بالاصح جدتهم
عاد احنا اذا رحنا لمهم ما نتكلم ولا نقول وش نبي الا لها تخيلوا نقعد ساعه عن الباب ونادوا جدتكم واخر شيء عطونا ملح im22
عاد يوم كبرت شوي صارت دائما تجلس في السور وجنبها الكيس مليان
اما عمتي ساره الله يغفر لها ويرحمها >> عمة ابوي
كانت تفتح شنطة أم أرقام وتعطيني خمسين ريال وأنا ما بعد دخلت المدرسة طبعا كانت الخمسين شيء عظيم
...
حرمة بعد اسمها الخالة موضي"الله يطول بعمرها على طاعة ربي" ذي الحرمة إلى الحين مع إن بيتنا ما فيه صغيّرين إلا أنها لازم ترسل فعاليات لنا
*.
شوفوا وشلون من قبل ما أدخل للمدرسة وبعض هذي المواقف لازلت أتذكرها وانبسط كثير بعطاهم
الله لا يحرمهم أجر تفريحنا يارب
*.
ومن هذا المنبر بإذن الله إني بدعم الطفولة كود أحد يكتب عني في المنتديات ويقول الخالة هندالله يرحمها كانت تلفز في يدينا خمسين أو كانت تعطينا بطاطس
...
حتسيت واجد دوركم
من هم الأشخاص الذين حفروا في ذاكرتكم
مواقع النشر (المفضلة)