[grade="008080 ff1493 008000 4b0082 ffa500"]السلام عليكم ,
كيفكم ؟
شو أخبارررررررررررررررررررررررررررررررررررررررررررررر ررررررررررررررركم ؟
ع العموم
أنا عتبانه ع كثير عضواااااااااااااااات"بنات" هون , وعارفه انهم بيتواجدون بموضوعي
ومن دون رد ؟!
فالسؤال :
(ليه تسوون فيني كذا؟)
7
7
تراي بنت مثلكم يا مهبولات .
*تراني زعلانه عليكم جداً جداً .
و ع فكرة الدوووووونيا فانيه . <<<< وش دخلها بالسالفه .
........
*انا متضايقه من سوالف الخطبه
يا اني احزن اذا انخطبت من ممرض .
اول ما انخطبت من ولد <<<<< اجل من بنت .
وانا بثالث ثانوي ,
اوك .
طبعاً رفضت ,
لاسباب منها وظيفته "ممرض" ومنها اعتذرت بسني الصغير
وابي اكمل دراسه .<<<<<< ماتبيه اصلاً ..
فمرت سنه وصرت باول جامعه
وانخطب من واحد ثاني ,
<<<<< بنتحر .
يقرب لي من بعيد
وكمان وظيفته " ممرض",
طبعاً هذا نشب لي نشبة بنت كلب
كررررررهني بالحياه و ربي .
شوفوا كيف الوقاحه ,
لما رفضته
تتوقعون شو سوا !
رااااااااح لخوالي و عماني
وسوا صجه عندهم ,
و حاله زفت , كلام وكلام
وطبعاً ما عطيتهم فرصه
او تلميح بأني افكر فيه حتى ,
ولدرجة انه يرسل بنات لي بالجامعه
يلمحون بالسالفه لان البنات قرايبي وقرايبه ,
لكن
طنشتهم طناااااااش محترم.
* ويوم انه نشبه
ما اكتفى بالشوشره عند اهلي واقاربي,
راح يكلم ابوي بعد الرفض و يقول :
{بنصيف كل اجازاتنا بالخارج , وبخليها تتوظف ببنك ,
وهي بس تختار وانا انفذ} <<<<< وااااااو تحس انه بكاش .
-برايفت-
*اخوي الكبير وقتها كان عاطل*
فقال الخاطب : << حلوه الخاطب .
و ولدك الكبير وظيفته على يدي و راتب 8000
ومع الترقيه المستمره !
,,,
واسمه كان ما يعجبني
فلما رفضته رجعت كررت نفس الاسباب لرفضي
للاول مع زيادة
(اسمه ما عجبني)
فأبوي واهلي واقاربي ,
قالوا :
خلوها براحتها .
يع اسمه (سعيد)= ابيخ اسم هع .
........
الى هنا و الوضع شبه سليم ,
فقبل اسبوع
انخطبت <<<<<< قولي قسم .
وبعد من " ممرض "
<<< والله ما ابي ممرض , وش ذا التعاسه ,
وكمان رفضت .
لكن هالمره ما مشوا لي الرفض بكل سهوله .
"فالحيوان" <<<<< خاطري اسبه كيفي .
بعد ما رفضته
راح يكلم ابوي ,
ويقول:
(بجيب لها شغاله لو تبي من اول يوم , و بسكنها بفيلا
بمخطط جديد , و سفرات للخارج وانا رجال "فري")<<يبي يعلمني انه يعرف انقلش ههههههههه .
7
7
جاني ابوي , ويقول :
(كل العالم دارين انك زلابه ,
والرجال عارف انك زلابه ويبيك ,
لييييييييه ترفضين و وش فيه) << ابوي جرحني يقول : اني زلابه و دلوعه .
وبجيب لك شغاله "ركزوا ع شغاله"
7
7
ليش كذا , الله ياخذه من ولد .
(انا سنعه واعرف امور الييت حته حته)<<< زلابه شوي انا *_^
و ربي حز بخاطري انه منتشر اني زلابه .
*يعني انا رفضته خلاص , ليه مايفهم
ليه كذا فيه شباب يحبون النشابه !
يا اخي البنت ما تبيك افهم ؟
سبحان الله قلق و مسخره و وقاحه .
يعني انا في رآسي 2000هم
يجي بسماجته وكلامه العقيم.
وابوي الله يسامحه
مفروض يراعى نفسيتي
انا بدخل بجو امتحانات بعد كم اسبوع
وماني فاضيه للخطوبه والارتباط .
واللي يقهر ان ذا الولد راح
يكلم "ازواج خواتي"
ويقول لهم : انا ابيها واخترتها فهموها ,<<< اللحين وش دخلهم ابي اعرف بس يبيهم يضغطون علي ؟
*حسبي الله عليه خرب جوي هالاسبوع و بقوه ,
احس اني محاصره من جميع الجهات , ودي اهاجر خلاص .
* بعدين ما ادري ليه فترة الامتحانات هي فترة الخطوبة عند الشباب
يعني ايام السنه كلها ما راقت لك الا بهالوقت *
موب يعني انك متوظف ومرتاح , غيرك مرتاح مثلك !
~ فعشان اريح رآسي اتفقت انا واختي الكبيره"متزوجه"
اننا نكذب على ابوي
"الله يغفر لنا"
وقلنا له:
اني بستخير اسبوع و اعطيك خبر ~ .
اووووف اووووف الاسبوع اللي راح كله قلق و توتر .
*فأنا امس حسيت بتعاسه ابديه و كرهت حظي ,
ليه كل اللي تقدموا لي "ممرضين"
انا اكررررررهم و بإذن الله افتك منهم*
و ابوي يسأل:
وش فيه الممرض ؟
عشانهم اختلاط يعني ؟!
7
7
قلت:
ما ابيهم كذا , وظيفتهم يعه و شينه و يكفي اوقات دوامهم زفته , و اختلاط و قلق .
قال ابوي:
ع كذا الناس كلهم ما بيعرسون , استهدي بالله لان الرجال ما يتفوت .
قلت بخاطري:
يتفوت ونص . و لا بهتم و الله يستر عليه .
وابوي يكلم خالتي و عماتي يقول:
فهموها وخلوها توافق , لان الرجال عاجبني !
......
طيب اللحين من بيعيش مع ذا الولد انا ولا ابوي ؟!
يانااااااااس هذا ابسط شيء تختاره البنت
فليه يجبرونا ع التفكير بشخص احنا ما نبيه
ولا نفكر فيه ؟!
وش يعني عشانه ولد بنفس مستوانا
المادي ؟!
(عشان كذا ابوي مهتم فيه , و لا لو انه ولد
ما بيجيب لي شغاله و فيلا ما بيعجب ابوي)
طززززززززز و ربي ماهمني ان الولد غني .
<<<<<< معصبه لو قدها قوليها : لأبوك .
......
ودي افهم كل الناااااااااااااس ان البنت ( ما تهتم لمغريات الفلوس و الاشياء هذي , انا عن نفسي و عن صديقاتي وقريباتي اللي انا اثرت عليهم نهتم
بشيء اسمه "التفاهم"يعني يجيني شخص متفهم و يقدرني هذا الشيئين
يغنيني عن التفكير بالماديه )
بغض النظر عن الامور الدينيه اللي لابد منها .
*فالاسئله يا شباب الزين :
**ليه يا شباب ياشريرين وطيبوين تحسبون ان همنا الماااديه ؟
لان انا تعرضت لهالموقف مرتين رفضت شابين وكلهم سوو نفس الحركه
الاول زاد المهر 20الف والكلام اللي كتبته فوق ,
و الثاني يهايط بشغاله وفيلا ,.......... الخ .
طيب ليه ما تفكر من ناحية "المشاعر"
ما تخجل انك تجبر البنت عليك ؟
1- هل لو بنت خطبتها انت , بترجع تخطبها مره ثانيه مع مغريات ؟
2- ليه تحبون تخطبون بوقت الامتحانات ؟ <<<< هذا موب سؤال لووول .
3- تدرون ان اغلب البنات يفتكون من الشباب بالكذبه(استخرنا وتضايقنا)؟
4- هل يجلس بخاطرك اذا البنت اللي خطبتها , قالت : "وظيفتك يعه و وعه "؟
ولا تطنش و عادي عندك .
<<<<<< قريبي يقول: لو داري ما دخلت تمريض . ههههههههه .
ويا بنوتات :
1- هل تعرضتم لموقف مشابه ؟
2- تهتمين لوظيفة الخاطب و لا يهمك اخلاقه و راتبه وبس ؟
- تم كتابة الموضوع بكل عفويه , و من دون تحريف و تزييف فالرجاء عدم التريقه
او الظن السيء -
عندك تعليق مهذب اكتبه , بتتريق فالله يستر عليك
عادي روح حش فيني و بكسب حسناتك ونااااااااثه .[/grade]
مواقع النشر (المفضلة)