واللـــــــــــــــــــــــة ما انسى (جرح) انتي السبب فيه !!
مهما حلفتي لي ومهما إعتذرتي
حرام مانسى جرح!! أنتي السبب فيه
ياللي بعد غفوة عميقة شعرتي
بإحساسي اللي بالتجاهل طعنتيه
أخلصت لك بالحب بس ما إعتبرتي
أعمى عيونك عالم الزيف والتيه
قـالوا لك إنك فاتنة وإنبهرتي
غرورك الأعمى بجهلك تبعتيه
غــرّوك لين خلوك لحبي خسرتي
الذنب ذنبك وأنتي اللي جنيتيه
تـوك عرفتي غـلطتك وإفتكرتي
قلبن عطاك الحب وإنتي ظلمتيه
روحي مع اللي في هواه إندفعتي
خليه يمنحك الغلا اللي خسرتيه
مـاعاد تفرق غبتي والاّ حضرتي
أصل الغلا لا مات ماشيّ يحييه
تـراك من دنيا حـياتي ظهرتي
إلى الأبد يرفضك قلبن خدعتيه
كفي دموعن فوق خدك نثرتي
صوت الندم كرامتي ماتلبيه
مهما حلفتي لي ومهما إعتذرتي
والله مانسى جرح!! أنتي السبب فيه
اعجبتني فأحببت ان انقلها لكم
رد مع اقتباس
مواقع النشر (المفضلة)