.
.
.
.
[align=center]
بسم الله الرحمن الرحيم
السلام عليكم ورحمة الله وبركاته
اخباركم يا قدعان ويا قدعات ؟
شسمو نخش بالموضوع
بينما كنت اتبطح بالمسبح اللي بالنادي واتشقلب واتقلب واذ بشخصا يحذفني بفلينه
يول التفت ولا هو واحد من اصدقاء الدراسه القدامى
هلا فلان شلونك اخبارك وين هالغيبه وقعدنا نسولف
هو يقولي اللحيه والشنب عليك طالعات كشخه وانا اقولو وراك للحين ما طلع لك شعر بوجهك :8ar:
ومن هالحتسي تخبرون انتم عاد سوالف الخويا لا تقابلو بعد فترة انقطاع
المهم وانا اسولف معو واذا بالـ Swim Cap على قولة المدرب يعني طاقية السباحه تطيح وينزلن قذلي
قالي يوه وش ذا شعرك اطول من شعر امي عطيته ابتسامه قالي مالك داعي يا عزوز ياخي تقول حرمه
قالت يابو الشباب لحيتي وشنبي ما ملن عينك توك تقولي اللحيه والشنب عليك شي ومدري وشو
قال ايه بس بصراحه اي واحد يطول شعره يصير خـنـ ...
انا هنا عداد الحراره عندي ارتفع الى مدري وين ،، قلت اسمحلي يوسف
ياخي فيه ناس تطول شعوره وتملط اللحيه والشنب وتلبس مخصر ومدري وشو هذولي معك حق
اما انا وامثالي لا ياخي ، انا شخصيا لحيتي على طول نمره اربعه من يوم طولت شعري بس عشان لحد يقول نعوم ومدري وشو
وشنبي خلقه ما اشيلو ما اغير احيانا تخفيف ،، يعني معالم الرجوله موجوده بوضوح يالحبيب
بعدين انا وجسمي ولبسي ماعلينا اي علامه من علامات النعومه
قال ياخي تبي تحجب الشمس انت ،، يخوك كل العالم تقول كذا مو بس انا
قلت طيب جدي وجدك البدو ،، والاولين مشهورين بشعورهم الطويله الصحابه الرسول ،، يعني هذولا ...
استغفر الله بس
قال لا بس الحين الوقت يختلف :wink:
،،
انا شخصيا اعتبر الشعر الطويل على الرجال مع اللحيه والشنب طبعا ،، هيبه وعزه بعد
من اول اذا بغو يهينون رجال يحلقون شعرو ،،
حتى فيه ملك معين بعد ما وحد دوله معينه من باب اذلال القبائل امرهم يحلقون شعورهم
ما غير قبيله معينه عيت تحلق شعره وتسمو بعده ( سودان الروس )
ما ودي اخش بالسياسه لكن مو كل رجال شعرو طويل صار خنيث او حرمه
انا ما انكر انو اغلب الشباب الحين ماخذين الشعر الطويل مياعه لكن مو الكل
وانا واحد من هالناس لاني مايع ولاني مالط الشنب واللحيه ولله الحمد
بعدين الرسول عليه الصلاة والسلام يقول [ من كان له شعر فليكرمه ] . رواه أبو داود
السؤال هونا
هل فعلا اي رجال شعرو طويل صار حرمه ؟
ماهي نضرتك لأهل الشعور الطويله ؟ هل كلهم سواء ؟
واللي عندو اجابات ماله اسئله خل يدليبه
ديواتي لكم
[/align]
.
.
.
.
مواقع النشر (المفضلة)