لقد سمعة عن الأمير عبد الرحمن بن عبدالله وفصحتة في الشعر ولكن لااسف لم

اجد له غير هذه القصيدة///////

الناس بالدنيا ملايين وشعوب وطبايعن فيها الخطا والصوابي

الناس بين اثنين غالب ومغلوب لاهين بالدنيا عساها الخرابي

هذا بها كاسب وهذاك مكسوب زاد التنافس بينهم والسبابي

يبغون جمع المال والرزق مكتوب كم من حريصا فاز غيره وخابي

اغرتهم الدنيا عن الدين بسلوب ياجاهلا دنياك هذي سرابي

انصحك يافيصل ترى الطيب مطلوب دربه طويل والمطايا اصعابي

حافظ على دينك ترى العز مكتوب في طاعة الخلاق منشى السحابي

حذراك يافيصل تقصر أما جوب وأجبك اده بالوفا لاتهابي

أحذرك لاتظلم ترى الظلم له جوب جوبه كبير وصاحبه في عذابي

أحذرك لاتكذب ترى الكذب عذروب والصدق ترقابه برؤس الهضابي

أحذرك لاتسرق ترى السرق معيوب عيبه كبير وفيه قطع الرقابي

أحذرك عدوك لاتبين له اعيوب وقرب صديقك ولاتخون الصحابي

الناس بالدنيا وكل له ادروب ولايخدعك فيها لميع السرابي

باس الشجاع بسوق الاموات مجلوب وان عاش مهيوبن عزيز الجنابي

والذل نقص وصاحبه غير مهيوب ويوم اللقاء يحثى بوجه الترابي

العز عز النفس وان كنت مكروب بالك تهين النفس تبغى الثوابي