يمّه احبّه ... فديـت ابـوه قبــــــل امّـه ...!
يمّه عليه إن زعـل ... واذا رضـى يمــــّه
يمّـه ذبحنـي غـلاه ... وشـــــلّ وجـدانـــي
يمّـه غرامـه طريـقـي ... ولازم اتــــمّـــه
شيٍ مـن الله علـى غفلـة تغَّشَـــانـي ...!!
اشهق على ضحكته واشفـق علـى ضمّـه
واموت منه إن جفى ... وإن جاني احيانـي
إن كان درب الشقـى يمــــر مـن يمّــه ...!!
والله لكـمّـل شـقـاه " إن الله أحـيــــــانـي "
اقـول ياســـــــيـدي ... ويقـول ياعمّــــة ...!
كـلٍ ذبحـه الولــــه فـي عشـقـة الثـــــــانـي
اشتـاق طعـم الغديـر اللـي وســـــــــط فـمّـه
مقـدر اخبّـي عليـه ... اكتــــــــــب ويقرانـي
قمـت اشتكـي للغـلا ... واصيــــــح واخمّـه
ياشيـن بلـــــــوى الهـوى ... الله لا يبلا ني
يقـول لـي بالهـوى مذهـب ولــــــــــــي ذمّـة
واقـول بصـرك ... ولـكـن لا تعـــــــــــدانـي
ابـي طريـقـك يصـيـر لوجهـتـــــــــــي يِـمَّـة
ومنيـن يممـت وجهـك غـصـب تلقـــــــانـي
يزمنـي بالهـوى ... زمـّـة ورى زمـّــــــــة
قطّـع وريـدة وخاطـه وسـط شريــــــــــانـي
مبطي اذا خفـت صحـت وقلـت " يايمّــــه "
والحين اذا خفت صحت وقلت " ياحصانـي "
لا واهني من قـرب منـه ... ومـن ـشمّـــــه
ماكـن ربـي خلقـه الا علـى شـــــــانـي ...!!
جيتـه وكلـي مــن الاشــواق ملتـــــــــــــمّـة
امشي من الصبح ليـن ان عشقـه أمســانـي
ياحلو لوعـة شقـاه ... ويـا حلـــــــو سمّـه
والله ياهـو بالهـوى " مـن جـد ورانــــي "
ادمـى عيونـي ... وحنـى يدينــــــــي بدمّـه
وعلـى طريـق الولـه اقـفــــــــى وخـلانـي
يمّه احبّه ... فديـت ابـوه قبــــــل امّـه ....!
يهزنـي هـز ريـح ... وزلـزل اركــــــــــانـي
وش فيه اذا البنت تعشق...؟! .. الهوى قمّة
خلينـي اعشـق قبـل مـا تابـس اغــــــصانـي
يهمنـي حيـل ... وادري فيـنـي اهـــــــــــــمّـه
حتى اسألي روجـي الـوردي ... وفــــستانـي
منقـــــول..
أختكم أبعــــــــــــاد
مواقع النشر (المفضلة)