وباء وظاهره جديد انتشرت بالمجتمع
[align=center]بسم الله الرحمن الرحيم
السلام عليكم ورحمة الله وبركاته
يمسيكم بالخير جميع
انا بطرح موضوع للنقاش وابي كل عضو او مشرف يعلق على الموضوع لا هنتم
احنا عايشين بمجتمع وكل مجتمع له يرتبط بتعاليم دينية و تقاليد وعادات
ومجتمعنا مجتمع اسلامي مبني على تعاليم اسلاميه شرعها لنا الخلاق لا اله الا هو
وبكل زمن الناس تتطور وتتغر حسب التغيرات على العالم
ومع كل تغير تطلع بدع جديده تطرئ اشياء ما كانت موجوده قبل كذا وكل بدعة ضلاله وكل ضلاله بالنار ..
مع انها بالعرف والعقل والدين اشياء غير مقبوله لكن الناس للاسف تبي تواكب التطور
موضوعي اليوم عن ظاهره جديدة بالمجتمع الي هي ظاهرة
البوي فرند والقيرل فرند
تستغربون من الكلمة اول شي بس هذي الحقيقه
اغلبية الشباب هاليومين لازم الواحد يصير له قيرل فرند ولا يحس نفسه ناقص عن اخوياه بعتقاده الا من رحم ربي
وكذلك البنات كل وحده وعندها بوي فرند
والمشكله الادهى والامر انه في بعض مجتمعات وطبقات بالمجتمع تقر هذا المفهوم ويحسونه عادي
السؤال الي يطرأ على العقل
من وين جانا هالمفهوم او الجديد ؟
هل هو موجود بديننا ؟ وماهو حكمه ؟
بعادتنا ؟ بتقاليدنا ؟ وهل يقره العرف والعقل ؟
هل سوه الي قبلنا ؟
ماهي ايجابياته ؟
ماهي سلبياته ؟
وش غير بمجتمعنا ؟
وش سببه ؟
هل هو غزو فكري جديد ؟
هل هو فراغ عاطفي يعيشه الشباب والبنات ؟
اسئله كثيرة العاقل يطرحها على نفسه
ارجوا التفاعل من كل الاعضاء والي عنده وجه نظر او سؤال يا ليت ما يبخل بها ويفيدنا ..
ولكم جزيل الشكر .
اخوكم
بَــــــــــــــــــــــرٌزَآن[/align]
مواقع النشر (المفضلة)