[align=center]السلام عليكم
هذي قصيدة كتبتها بنفسي واهديها الى من سكن قلبي اولاً ثم الى اعضاء منتديات الزين الكرام
اتمنى انها تعجبكم مع ملاحظة انها حسب الترتيب الأبجدي
أحبـك ياقمـر يضوي يــنور دنــيـتي ويـاك
بـدونك دنـيتي ظــلماء دخيـلـك لاتخـليـني
تخيل لو سكنـت الـقلب فؤادي والعروق فداك
ثلاث أيام تسـكن به تـرى كـل الأسـى فينــي
جفيت الروح ياروحـي جروحي من سـواة جفـاك
حـرام اللـي تسـوي بـي أبعـرف شالخطا فيني
خطا قلبـي تعلق بك هـواك ولا قـدر ينسـاك
دروب العــشـق خــداعه تهـنـيـك وتـبكيني
ذبحك العشـق ياقـلبي وماكـنـت تـتمنى جاك
رضيت الهـم والـحرمـان رضيت الحزن يطويني
زرعـت الـورد في دربك وبدروبي زرعت أشواك
سقـيت القلب مـن سـمك رضيت أنك تـجافيـني
شجوني شوقي أحزاني شـعـوري بالجـفا ينهاك
صحيح أني عجزت أنـساك صحيح أن أنت ناسيني
ضياع العمر مايسـوى ترفـق بالـذي يـهـواك
طعنت القلب ياهـاجر طـعـونك فـي شـراييني
ظلام الليل يشهد لي دموعـي بالوصـل تنـخاك
عيونك نايـمه بالليل وانا دمـعي يـواسيني
غريبه كيف تنساني وانا اللي مستحيل انساك
فـديتـك كـل ماأملـك ومايـرضيك يـرضـينـي
قديمه ضـحكـتي جنـبـك قديمه ضـحكتي ويـاك
كفايه أحزان في قـربك كبرت وصـرت جافـيني
لـك حـق الـتـغـلي لـكـن للـهـجـر أيــاك
مابـغـى غرورك يزيد وتنـسى مابينـك وبيني
نـثرت أوراقي قدامـك قـصيدي والورق يبغاك
هواك الشعر في شـعري وشعـري مـنطـوي فيني
وزنت الشعر وقفيته وابكـتب لك قـصيدي هاك
يمينك أمـسـك أشـعـاري تأمل كـل مـافـيني
مع تحياتي وخالص تقديري [/align]
رد مع اقتباس
مواقع النشر (المفضلة)