ق ــــــــــــالت م نــــــــــــــــــــــــــــتب حلو قلت رجال ؟!؟!؟!؟!
قالت ترى منت بحلو قلت رجـال
والزين ماهو من شروط الرجولـه
الزين يلقى عنـد لباسـة الشـال
والرجل زين ان كان زانت فعوله
قالت علامك تلبس شماغ وعقـاال
انت بدوي؟ قلت بدوي ومن حموله
ما ألبس بناطيل لها الوان واشكال
وامتر الشارع بعرضـه وطولـه
قالت اجل راعي معاميـل ودلال
شرب القهاوي تحسبونـه بطولـه
كيفي يابنت الحضر دله وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت ترى بنت البدو حظها مـال
قلت احذري حذرا تكوني جهولـه
بنت البدو يابنت مضرب للامثـال
فوق الجمال وطاعة الله خجولـه
ماحطة اصباغ ولا حطت ظـلال
ولا سيرة بالسوق سيـر مهبولـه
هي مهرة تصعب على كل خيـال
وانتي ومثلك عسفهـن بالسهولـه
قالت تغزل بي وشف حبة الخـال
ناظر عيوني والرموش الكسولـه
قلت العفو مايجتمع حـب وهبـال
ولكـل ذوق فالمزاييـن جـولـه
قلتي وقلت وكلمة الصدق تنقـال
الزين ماهو من شروط الرجولـه
.................................................. .................................................. .............
انا نقلت القصيده فقط لجمالها ولا اريد بذلك تاجيج العنصريه
لانه لا فرق بين اعجمي ولا عربي الا بالتقوي
وكلنا ابناء ادم وامنا حوا مهما اختلفت جنسياتنا فاصلنا واحد وهو من التراب
................................
رد مع اقتباس
المشاركة الأصلية كتبت بواسطة الهنــــــــــــــــوف
مواقع النشر (المفضلة)