-* نـــآصــر أستـوقفـني فـي رحــلة إلــى آلقمــــر *-
مـــــرآآآحـــــب للجمـــيع
وعساكم عالقــوهـ
[align=right]
ليس بغريب بإبداع ناصر ==> في قسم التصــوير الضـوئي
وكذلك هنــآك يوجد أعضاء لديهم كــآمــيرآ تذهل الاعيـــن
ولكن هنــآك صورة مــن أقرب الصــور إلى قـلبي من خلال مشــآهـدتي لهـآ[/align]
[img][/img]
بسبب وجوود علاقة صداقه بيني وبين القمــر
والذي تربطني بـه ==> { أمـــي العــــوده }
ربمـآ تتسألون ماهي العلاقه ولماذا بهذه الصوره !!
لكن تلك الصوره تعبر عن الودآع الاخير بالحيــآة
نعم
هذه الصوره ورحيل الطائره إلى القمــر تذكرني { بهــآ }
لكل منا يرى هذه الصوره ولديه شعور يختلف عن الاخر من ناحيتها
لا أنكر بأنني أتمــيز بالتــأمـل في الكــون وهذا التأمل دائمآ أسافر معه
ولكن صديقي الصدوق هو البحر بالرغم من غدره لكني كالعــآده
أخــذ الحــذر مـن جمــيع الاصــدقــآء لذلك مايــزآل البحــر صديـقي
لكن القمــر يذكرني => { أمـي العــوده } رحمهــآ الله
فاسمحــوآ لي بالتكلــم بلهــجــتي بالتعبيـــر عمــآ لم أعبــر عنه يومــآ
لان عندما ارى تلك الصوره دائمــآ تخنقنــي العـــبرهـ
7
[align=center]
يدتي الله يرحمها توفت في عام 2002 وللأسف صارت علاقتي وياها قويه
اخر سنتين وياها قـــويه 00
لما كنت صغيره كنت واايد أحب اروح لبيتهم لان عمي الصغير واهله ساكنين
مع امه وابوه وكانت عنده بنت اسمها شعول فديتها 00
انا وياها كبر بعض بس انا اكبر منها بسنه وحييل مع بعض
وكنا نحب انطفر ونطلع قرون { أمـنآ العــوده } لان لسانها طوويل وتلحقنا بالعصا
تصورا كانت تهاوشنا وتعصب عليها 00 امووت فيها لما تعصب علي
واكتشفت الشخص اللي احبه احب اعانده واطلع ينونه
(((اشتـقت لهــذيج الايــآم )))
كانت انساانه قوويه وجبروتها قووي ابوي العود شخصيته عندها ولا شي
كانت تعجبني واااايد والكل يحترمها سواء من الرياييل والحريم
ولما كنت صغيره احب انام عندهم ولهدف بروح لشعــوله بلعب ويااها
وأنا كان هدفي الاساسي برووح اشووف يدتي
كنت واااايد استانس عليها 00 كانت مريضه بمرض السكري
وبحكم انها كبيره بالسن لازم ممرضات يعطونها الابره في البيت
فكنت اقعد من الصبح بالحووش وأقعد ألعب وأطـآلع السمــآ
كان يعجبني لون السمــآ بذاك الوقت بالذات وقت الصبح
عاد بس يوصلون الممرضاات
كنت اقعد اصاارخ يــــــدتي وكنت اقعد اصارخ ولابعد اقوول قووولووووش وصلوا
عاد كنت اشوف يدتي من بعيد ترفع عصاايتها وتقوولي ويعه انشالله وكسر
اواريج اواريج اعلم عليج ابوج
تعرفون اغنيه وائل كفوري ونوال الزغبي ==> مين حبيبي انا
كنت اوقف على اي طاوله انا وبنت عمو وكنا نغني هالاغنيه
طبعا انا واائل كفووري احب اقلده
كنت اقوول => مين حبيبي أنا ردي علي ئولي
امي العوده بس تسمعني اقول جذي
كانت تعصب وترفع عصاتها وتقول ==> وحبه تضرب قلبج قولي امين
كنت امووت من الضحكتعجبني لما تهاوشني بهذي الامور
عاد تقولنا وربي انتي وياها لأعلم عليكم ابهاتكم
عشان يطقونكم بعد سوالف حبني وماحبني
يؤيؤ بس باباتي وعمي وربي مو عصبين معانا
بس تحب تسوي لعيالها هيبه جدامنا مودري ليش
على فكره أمي العوده كانت شديده مع حريم عيالها وحتى ماماتي
تقولهم احسن عشان اتعلمون بحياتكم باجر ابيكم حريم
بس حنوونه مع بنااتها تعاملهم معامله غير تحب تعطيهم فلوس
ولو كان عندهم ماتحب شي يقصر عليهم 0000
كان جنب بيتهم جارهم اسمه ==> بوعبدالله => عنده مزرعه
تصوروا مزرعته كان فيها ورد بس هالورد يطلع عسل مودري شلوون !!
كنت احب اكل هالورد يؤيؤ لاتقولون شلون !!
لحد الحين هالورد مو محصلته وماله أثر 00 ااخر مره شفته ايام يدتي بذيج السنين
بس حساافه بعد وفااتها محد رضى يسكن بالبيت باعوه واشتروا بيت بمنطقه ثانيه
اذكر يوم من الايام عندي اصرار على باباتي ودني بروح ألعب واسولف مع شعووله
بس شعول ماكانت هدفي هدفي =====> أمــي العـــودهـ بتشيطن على راسها بعد
وسبحان الله الصدف كانت شعول مو موجوده بالبيت اتوقع عند خوالها
وخدامة يدتي كانت مسافره
ويدتي تبي تسبح وماتقدر لانها كبيره ولازم احد يسبحها وينظفها
هذا الموقف صار مع اخر سنتين من عمرها
كنت اترجاها انا اسبحج واللي يخليج باباتي وخوانه والله اسبحج
عاد تقولي انتي يااهل وتعصب علي
توج صغيرونه عاد اقولها انا كبيره دخلت اولى ثانوي
ومع الاصرار سبحتها
شعور غريب
حسيت بخجلها وضعفها لأول مره بحيااتي بالرغم من انها كلها جبـروت
ولما سبحتها وخلصت 00
رحت ومشطت شعرها كاانت يدتي تتميز بالبيااض ماشالله
وشعرها لونه احمر يميل عالبرتقالي من الحنه
مشطت امي العــوده ومستـــآنســه واهي كانت سااكته وبهــدوء
كنت امشطها وأغني أغاني تحبها القديمه للمطربين كويتين
=> عوض الدوخي ، عبدالله فضآله
يوم مستحيل بحيااتي رااح انسااه ومن هاليوم تغيرت علاقتي وياها
صارت تسولف علي سوالف قديمه وتهبل كانت حياتهم القديمه كلها اكشن
وبوفاتها لأول مره بحيااتي اشووف دمعة باباتي
واحس كل شي تغير بالحياااة فقدتها
لكن صديقي القمر اهو الوحيد اللي يعرف كل شي من بعد وفاتها
لاني دايم اطفي إضاءة غرفتي واوقف على الدريشه واسوولف للقمر عنها
*******[/align]
أعلم بأنني أطلت في الحديث لكن تلك الصوره أخذتي إلى ذكريااتي
وأشكر أخ ناصر على إبداعه الذي جعلني لأول مره بحياتي
اتكلم عن { أمــي العــوده }
فمن طبعي التحدث عنها مع القمر فقط
ودائمـآ أشبه القمر بها وإذا رأيته وكـآني أرهــآ
[align=left]
*ماهو شعورك عندما رأيت تلك الصوره ؟! أهو مثلي أم غيره ؟!
* هناك شخص عزيز أثرت فيك وفاته ؟ !
أذكر لنا مواقف تتحدث بها عن اشخاص افتقدتهم في حياتك ؟!
* هل العزاء أختلف عن اليوم وامس ؟! و
* أيعقل أصبح العزاء لتبادل الحديث والنميمه وعدم ذكر ربهم والدعوة للميت بالمغفره والرحمه؟![/align]
بقــلم
نسمة الكويت
المشاركة الأصلية كتبت بواسطة جـــآرح
مواقع النشر (المفضلة)