تخيل : نسيبك باكستاني . أو .تخيل : بنقالي جاكم يخطب !!!

[لهفة الخاطر]

تخيل : نسيبك باكستاني . أو .تخيل : بنقالي جاكم يخطب !!!

--------------------------------------------------------------------------------

تخيل ماتدري في أحد الأيام .. إلا وباب بيتكم يطق ..

طق طق طق

تقول : مين عند الباب يقول : أفتخ باب .. انا كمار

تفتح الباب .. وتحصله العامل .. اللي يغسل السياره ..

وهو فاك الضحكه على وجهه ..



وش تبغى ياكمار في هالوقت جاي عندي ..

يقولك : بابا .. مافيه أقلط ..

بعد ما تدخله لبيتك .. وتضيفه ..

وتصب له فنجال القهوه .... يقولك :

فنجال حق انته مافيه أنا اشرب هوه .. انت اول يقول (( تم )) على طلب مال أنا ..

<<< يخرب بيت ام اللغه اللي تعرفها ..

المووووووهم ..

وتنزل عليك الصاعقه .. لما تسمع طلبه ..

أنا طالب القرب منكم ..

ابو هنود حاط عينه على البنت .. يبغى يتزوجها ..



في هالموقف وش راح تسوي .. وش بتقوله .. كيف تكون ردت فعلك !!



/
(
صارو يوافقون على الزواج من الاجانب بكل بساطه .. وانتشرت هذي الظاهر بشكل ملحوظ ..

صار الاجنبي أفضل من ولد الديره .. ليييييييييييه ؟؟

أنا أقصد بالاجنبي اي شخص تختلف جنسيته عن البنت ..

يمكن يكون أمريكي او بريطاني او حتى أفريقي ..

على كل حال

أنا حبيت أناقش معكم الموضوع وأسأل البنات ..

هل فعلا أنتِ أحد شروطك لزوج أن يكون قبيلي واذا ما جه هذا الرجل من قبيلتك ووصلتي لسن العنوسه فماذا تختارين .

أو أنك تقبلين الزواج من أي شخص حتى ولو كان أجنبي .

هل مسألة ( الأصل والفصل ) للعريس تهمك أم أنها صارت موضه قديمه ؟

أترك الموضوع لكم .. ردوعليه بكل أمانة ..

البنات .. راح توافقين على الزواج بغير جنسيتك ؟؟
والولد .. موافق تزوج أختك لواحد بحريني .. أمريكي .. بريطاني .. هندي ..!!



تحياتي

لهفة الخاطر

[صمـ عزتي ـتي]

*·~-.¸¸,.-~*السلام عليكم ورحمة الله وبركاته*·~-.¸¸,.-~*


لهفة الخاطر موضوع ممتاز


فعلاً هذه الأيام نلاحظ كثرة الزيجات من جنسيات مختلفة

بالنسبة لي مستحيل أن أتزوج إلا..........كويتي.......

لماذا؟؟؟

حتى يكون الزواج ناجح يجب أن يكون هناك تكافؤ بين الطرفين..

والجنسية, القبلية والبعد الجغرافي إحدى عناصر هذا التكافؤ التي ما إن تتحقق عناصرها ينجح

الزواج..

وهذا الكلام لا يعني أن أي زواج من جنسيتين مختلفتين تعني فشلة ولكــــــــن أغلبيته فاشلة إلا من

رحم..

وتقبلوا رأيي وودي..

رزقكم الله بأزواج وزوجات صالحة..





إختــــكم من الكويــــت:
*·~-.¸¸,.-~*صمـ عزتي ــتي*·~-.¸¸,.-~*

[عناق أجفاني]

بدايهـ ,, أحب أوضح انه فيه فرق بين ما نريد وما نتمنى ..
وبين الواقع بكل معتقداتهـ ,,

ففي ردي سأعتمد واقعية مجتمع أعيش بين أحضانه وليس حلم لمجتمع
أتمنى أن يكونهـ ...!

الزواج مشروع يعتمد على التكافئ في كل أركانه
ومنها المادة والنسب والأخلاق والمؤهل والثقافة والعادات .. هذا لكي يتم نجاحهـ
ويخضع لشروط عديدة لينجح .. وهذا لايمنع بعض الحالات الشاذة التي تنجح
بالرغم من اختلاف أنواعها لكنها تنجح .. لرغبة الطرفين في تذليل هذه الصعاب ..

بالنسبة لمحاوركـ :

هل فعلا أنتِ أحد شروطك لزوج أن يكون قبيلي واذا ما جه هذا الرجل من قبيلتك
ووصلتي لسن العنوسه فماذا تختارين .

ليه أكذب على نفسي والكل .. بالفعل ممكن أعنس لكن ما أتزوج شخص غير قبيلي
مو مهم من نفس قبيلتي .. لكن لازم يكون قبيلي , وهذا عرف في مجتمعي بغض النظر
عن صلاحه او عدم صلاحهـ ,,

أو أنك تقبلين الزواج من أي شخص حتى ولو كان أجنبي .

ممكن خليجي من بعض الدول الخليجية والتي تحمل قبايل معينه لها فروع
عندنا مثل الكويت أو قطر .. وعندي بعايلتي نماذج ناجحه بين سعودي وكويتيه
وكويتي وسعوديه ..

هل مسألة ( الأصل والفصل ) للعريس تهمك أم أنها صارت موضه قديمه ؟

أنا عن نفسي لا تهمني .. لكن مجتمعي كلهـ يهتم فيها ,, فليه ( أشطح) لاحلام ممكن
تحطمني ؟

البنات .. راح توافقين على الزواج بغير جنسيتك ؟؟

على الأغلب : لا

والولد .. موافق تزوج أختك لواحد بحريني .. أمريكي .. بريطاني .. هندي ..!!

سألت سؤالك هذا للوالد ,, قالي أكيد موضوع من مواضيع النت اللي طايحة
لي فيها بهاليومين .. يقولكـ الوالد ربي يحفظهـ : لا ماراح أزوج بنتي لأي شخص
كان إلا لإنسان يستاهلها .. ومن نفس قبيلتها ( وهقني الوالد :( )

.
.

اختلاف الرأي لايفسد للود قضية ..
أعجبني موضوعكـ جدا .. وذكرني بموقف لأحد الأعضاء السودانيين بمنتدى كنت فيه
قبل .. كان فيه موضوع عن نفس المعنى ,, كان مصر يقنعني بالزواج من سوداني
معصب ليه بس خليجي لكن عرب لا ..
لكن الكثير لايعرفون انه مجتمعنا يخضع لقوانين غصب عنا .. نتبعها
لكي لانتصف بالشذوذ :) وتخريب سمعة العائلة مثل مايقولون .. حتى لو كان الرجل
ممن يرضى عن دينه وخلقه ..

.

لك شكري وتقديري
ودمت بسعاده

.

غلا

[لهفة الخاطر]

يسلمو على الردود الاكثر من رائعه

[أميـ الورد ـرة]

لهفة الخاطر

لهفتيني على الكتابة لك

مستحييييييييييييييييييييييييل
الله لا يكتب لي الا ولد ديرتي

التكافؤ اهم شروط الزواج
و التكافؤ في النسب و الجنسية و الدين وكل شي

وما ازيد عن ماقالوه اخواتي

سلمت على طرحك
محبتك
اميرة الورد