لحظه قبل لا تطلب البعد وتغيـب
وتنهي معايه مرحله مـن حياتـك
أخذ الهدايا والصـور والمكاتيـب
دامي خسرتك ما أبـي ذكرياتـك
يمكن يكون فراقنـا رأيٍ مصيـب
خيره .. كتبها الله جتني وجاتـك
رح واترك بقلبي لك أربع معازيـب
وإن شفتني أجمع شتاتي .. ماهو عيب
باكر مع الأيـام تجمـع شتاتـك
وإن شفتني شايل جروحٍ معاطيـب
باكر يصير الجرح أبـرز صفاتـك
أكبر مصيبه في زمـان العذاريـب
إنّي أحبك وأنت حبـك لذاتـك
الطيب لو إنـك تجازيـه بالطيـب
ماكان تالي الوقت هـذي سواتـك
يا صاحبي لا صرت أغلا الأصاحيب
لا تزعل بكيفك وتطلب رضاتـك
أنا حبيبك مبعد الشـوح مانيـب
من ضيّع جهاته .. يدور جهاتـك
إن كان ماعديـت روس المراقيـب
ماني كفو أصلاً أنـام فـي عباتـك
شفني مقدر عند عكف الأشانيـب
مانيب من تومي عليـه بعصاتـك
رح للفراق إللي تركنـا مصاويـب
شمّت اعداتي قبل تشمّت أعداتـك
الله معك .. رح وين ماودك تغيـب
هذي حياتك .. وأنت حر بحياتـك
الله معك .. رح وين ماودك تغيـب
رد مع اقتباس
مواقع النشر (المفضلة)