وهل يُعقل ان يقع الانسان ضحيه لـِ قدر ٍ ليس له فيه ناقه ولا جمل ؟!!
إليكم الرساله كما وصلتي ...
السلام عليكم ورحمة الله وبركاته
اكتب لكم رسالتي وانا اعرف ان مالها حل ولكني اكتب للفضفضه
اعذروني على كلامي اللي مو مرتب : )
انا فتاه عمري 29 سنه عندي 3 اخوان اكبر مني واخت اصغر مني
مشكلتي هى الزواج امي وابوي الحزن في عيونهم بسبب عدم زواجي
او بمعنى اصح ان مافي ام موافقه تزوجني ولدها !
» الموضوع بدأ معاي من خمس سنوات تقريبا
لما وحده جت لنا البيت عشان تشوفني لولدها
وبعد يومين اتصلت وقالت احنا نبي اختها الاصغر منها لولدنا
انا انصدمت وبكيت بغرفتي .. واسال حالي ليش رفضوني انا ؟!
اختي رفضت بشده وقالت يغور اللي يفرق بيني وبينك
ورفضت الشاب واهلي كمان .
بعدها بفتره جا واحد يخطب اختي رفضت وقالت لا مابي اتزوج
وما اخفي عليكم اني كنت متاكده انها رافضه عشان ماتجرحني
كلنا صممنا انها تتزوج وانا كنت من اول المصممين على زواجها
وفعلا تزوجت وصارت ام .
واخواني كمان تزوجوا وصار البيت مليان احفاد الله يبارك فيهم
كنت كل ساعه اشوف الحزن بعيون امي وابوي عشان ماتزوجت
بعدها صار المراد من رب العباد وجا لي عريس اكبر مني بسنه
والحمدلله تمت الملكه على خير
وبعد اسبوعين من احلى ايام حياتي صار لزوجي حادث ومات
تعبت جاني انهيار نومت بالمستشفى اسبوع
وقال ابوه تجي تزورنا رحت لهم
قابلني بكل حب وود كان حاس فيني لكن امه وخواته مارضو حتى يسلمون علي
وامه قالت هذي شؤم طلعوها من البيت .... وطلعت من بيتهم على غرفتي جلست فيها كثير
ما اكلم حد غير اني اصلي وادعي الله يطلعني من محنتي هذي
وفعلا قررت اروح احفظ قران واطلع للناس واتعامل معهم يعني امتثلت للامر الواقع
ولكن اللي تاعبني ان امه الله يسامحها ماشيه تقول لكل الناس هذي شؤم ويوصلني
ان لو وحده فكرت فيني زوجه لولدها تخاف مني على ولدها كأني فيني شي
يعني اخذوني بشي مالي ذنب فيه شي بيد الله
انا راضيه بنصيبي
لكن المشكله في امي تاعبتني اوي كل يوم تقريبا تبكي بسببي
حبيبت افضض معاكم لان هالموضوع حساس ما اقدر افضفض فيه مع حد
واطلبكم تدعون لامي الله يصبرها ويرحم زوجي ويسترني : )
...{}...
مواقع النشر (المفضلة)