ياهـــــــلا بالزيوون الحلووين
كيفكم ان شاء الله بخير
امس صار لي موقف خطيــــــــر مع العلل
بصراحه لااحســـــــد عليه
بس عدا على خيــــــــر
بقوولكم الموقف الي صار لي امس وكله من اخواتي الصغار
وولد اختي الصغيروون
وربي جننوني لدرجه اني حرمتهم من اشياء كثيرهـ
واولها طلعتهم فوق السطح
وش البر عند سطحنا ولا المنتزهات
سطحنا احلــى منتزهـ
الي طفشان يجي عندي لا يفووته السطـــــــح
رهييييييييب وقت الليل اخذ راحتي فوق
المهم اختي الي بااولى ابتدائي انقهرت مني وجلست تدعي علي
مالت عليها من الحين تعرف تدعي عاد ماالومها لو انا مكانها سويت شيء اكبر واعظم
وتعرفون كله عشان حرمتها من الطلعه فوق السطــح
يقالي باشغلهم شوي واخليهم ينبسطون معاي طلعتهم معاي
فرشت الفرشه وجلسنا مبسوطين والجو كان حلو فيه هواء
وطلعت اختي وجلست اسولف معاها وازعجوني قلت لهم لو سمحتوا انزلوا شوي
ابغى اخذ راحتي في الكلام مااحب الي يروح ينقل وهم مايقصرون الدببه
مؤدبات سمعوا كلامي ونزلوا ماوراء هدوئهم الا العواصف
رجعوا بعد ساعه الي بدفترها تلون والي معاها اونو تلعب فيها
والثالثه بااللابيلو ( مرطب الشفاة ) توقعت بينشغلون شوي ويونسوني
مادريت ان وراهم مصيبه ومخططين على شيء
المرجوجه اختي الصغيره اخذت اوراق ورمتها من فوق وطاحت بس مو على جيرنا
في بيتنا بس على مين تتوقعون !!!
على ابـــــــــــــوي
الاوراق تهون جاء كملها ولد اختي بيقلدها رمى اللابيلو وطاح على ابوي
وشوفي الصرخه ابوي خاف وش الي طاح عليه
واختي بدت تبكي تبغى اللابيلو وهو سطحه ماعنده وقت
كل واحد في همه ماهمها الا اللابيلو
الثلاثي نزلوا اول ماسمعوا صوت ابوي وهو يهاوش ومعصب
والغالي بابي خاف لا يكونون رامين على الجيران اشياء غير الي رموها عليه
في حاله جالس يصلح السياره وطاحت عليه اوراق واللابيلو وزين ماجات على شيء ثاني
ورطوني معاهم وعلى طول دق على جوالي ومن الخوف حطيته على الصامت ومارديت عليه
بيلعن خيري لو ارد عليه جلست هاديه على بالي ماسويت شيء
اكيد السبب انا لاني مطلعتهم والتهزيئه بتجيني محترمه
وربي فرجها علي انشغل وطلع ولا لو شافني كان بيعطيني تهزيئه محترمه
كلها بتكون طووووووووووووط طووووووووووووط على قولة جنون (ابو جعده)
جنون الحين احتاجك تعال عندي وابرد حرتي في العله الي جننوني
ولك الي تبـــــــي بس فكنـــي منهم
بس وش تتوقعون بينفع معاهم احرمهم اليوم واذا جاء بكره رحمتهم مافيه فايده
ودي اقوي قلبي عليهم واحرمهم وقت اطول عشان يتأدبون ولا يعيدونهــا
هذا الي صار لي امس وعدا على خيـــــــــر ولله الحمد
والله يستــــــــر من الجــــــــاي
جاء في بالي جنون وتشويته مع درازنه البزران ياليت يجي ويكمل تشويته عندي
والي بيساعده بكون شاكرهـ له انتظركم
مواقع النشر (المفضلة)