[align=left][/align]
مساكم الله بالخير يالنشامه
هذ1 الله يسلمكم موضوع فاقعن مرارتي بيطلع الشيب براسي..
طبعا انا (اتوقع) ان 70% من الاعضاء يسمعون به بس ..
ولاهوب دابلن تسبدهم وفاقعن مرارتهم
دابلن تسبد ابوهم ..هو اللي يكد الضعيف
هذ1 الله يطول باعماركم يوم السبت كنت بالبنك
انا:السلام عليكم
مدير البنك: وعليكم السلام
لاهنت بغيت اطلع سيبارة
عالبركة
لايابوي مب للاستخدام .. ابطلعها وابيعها
طبعا النظام للي مايعرف
ان انا اشتري السيارةاللي سعرها90.000
بـ 115.000 بالتقسيط
وهو يبيعها لي بـ 85.000
المدير :افااااااا ليش
قلت: البنيان نبي نخلص من هالعمارة الحديد بـ 4200
قال ياحليييييييييييلك هذ1 امس
قلت وشوو
قال ايه اليوم ابشتري 16 طن الا قال لي ارتفع صار بــ 4900 ريال
انا:
قال ايه والله انا وخوي نعمر ووقفت تعمير توني داق عليه قلت له انسى الموضوع الى ان الله يفرجها..
(لاحظوا انه مدير فرع)
يعني راتبه بيكون اوكي (الله يزيده من خيره)
ويقول من وين لي فلوس..
المشكلة ان يوم الجمعه شفت بالتلفزيون بالاخبار ان الايدي العاملة ارتفعت اسعارها مع الخيل ياشقراء وان المقاولين اشتكوا يقولون ماعاد به احد بسوقنا..
وسمعت بعد ان السبب من هالارتفاع هي (الابراج اللي بيرفعونها بمكه)
والله اعلم
الموضوع اللي بالصرقعه يوم اني اكتبه كان السعر توه جديد 4200 وقالوا بينزلونه
ولاشفنا الا الردي
نزلوا الـ 17 مل
والـ 18 ضربوه لـ 4900
دارين ان ماحد يبي السبعطعش لانه مايتاسسبوه غير دور جعلهم باللي منب قايله
واذ1 كان هالحكي صدق فحرام عليهم بجد ان الفقارى الضعاف اللي مثلنا ينظلمون بسبتهم هالتجار
الحين ذ1 بيرفع برج بالله بيضره انكم ترفعون الحديد 2000
والله لو يوصل لـ10000 مادرا عنه
وحنا اللي رحنا بخبر كانا
كل مامريت من جنب عمارة القاهم موقفين البنيان ياعيني عليهم..
والمشكلة الادهى من كذ1
صندوق التنمية العقاري..
تعرفون كم المبلغ اللي يصرفه
300.000
اول دفعه 30.000 ريال
الثانية 120.000
الثالثة 150.000
ولايعطيك الدفعه الثانية الا اذ1
صبيت سقف الدور الاول
لعنبو داركم انتم تساعدون والا تعذبون
الحين 30.000 ماتبني لك شقه
يبونا بهالثلاثين نحفر ونأسس البيت قواعد وسملات ..لا وبعد نبني الاول ونصبه
تدرون عاد وش اللي بيشيب راسي
ان الدور الاول بس
يحتاج لـ55 طن
طبعا مساحة الارض 650
اضربوا 55 بـ 4900
المجموع
269500
<<تقول وين حقين الرياضيات عني
يعني الدور الواحد 300 الف ريال بدون تشطيب
ويقولووووووون نبي عمران
نبي نصير اطلق من امريكا
مانبي شي اسمه بيت شعبي بالسعودية
والله ان تبطون عظم دام هذي سواياكم
واذ1 رحت للتنمية وقلتله ياطويل العمر الحديد ارتفع خلال شهرين 3 الاف ريال سلمونا الدفعه الثانية يقولك لاتبني
رجع السلفه واقعد
اقعد؟!
يعني يقعد الواحد طول عمره بايجارات؟!
سمعوا كلام الموظفين يوم قالوا نبي نزيد الرواتب قالوا ايه نزيدهم ونطلعها دبل من عيونهم وسووها
لكن يوم قلنا سعودوا لنا الشركات امنعوا الفيز عشان البطاله قالوا كلوا تبن منب فاضين لكم
قاعدين ندرس الموضوع بمجلس الشورى
مجلس جدي..
اللي ماطلعتوا منه لكم 10 سنين
ياخوفي بكره يرفعون سعر السيارات يقولون السيارة من حديد والحديد ارتفع
اللي معوه سيارة يمسكها بيديه ورجليه
ترا بترتفع وقولوا ام صقر ماقالت
اللي خلى البندورة ترتفع بيخلي السيارات تاخذ نصيبها
اااخ بس اموت واعرف من ورا رفع الاسعار لهالدرجه؟!
تدرون عاد ياليت يرجعون الرواتب مثل ماكانت وترجع السعودية بخير
[mark=000000]هالموضوع دابلن تسبدي وقلت ابطلع اللي بخاطري فيذ1[/mark]
عرفت وش سالفة العود الحين يالطعس :(
مواقع النشر (المفضلة)