أنــا بخـير .. !
مسـاء الاحساس مساء يليق بكـم
،
يـامل قلبٍ ضاق من حـر مافيه * جـر الونـين ولاحــدٍ فـاطـنٍ له
علـى الذي اقفـا وعيـني تراعيه * راح وختم قلـبي بختمة سجله
مايـدري ان الحب شيـد مبانيه * ولايدري ان الشوق يرثي محله
اراقب طيوفه واتابـع خطاويه * واصد عن جرح الحشا حشمةٍ له
واسامر النجمات والليل أسريه * مابين صمت وبوح والدمع اهله
واعاتب حروف الغلا يوم ترثيه * واطوي غلا ذكراه وارجع أفلـه
طالت على قلب المعنـا لياليـه * والريق يابس والضـوامي تبله
ياوجد حالــي كل ماصحت لبيه * لبيه ياسارق غلا القلب كلـه
ماغـيرك اللي شرع القلب بيديه * ولاغـيرك اللي شد قلـبي وتله
ياعاذلين القلب ليه المشاريه * وقلوبكم رجـــم المعنـا تدلـه
لو تكـثرون القول مابـاح خافيه * ولابـاح مكنونه على قلب خله
وما دام راسه حـي والله معافيه * أنــا بخـير وضيقتي فـدوةٍ لــه
ــ
:25ar:
رد مع اقتباس
مواقع النشر (المفضلة)