انا ماقلت لـك انـي مـلاك ولانـي الشيطـان
انا مثلي مثل غيـري بشـر ياكثـره عيوبـي
بشر يمكن يصيب أحيان ويخطي معضم الاحيان
بشر يمكن يكون الطهر في لحظـات عذروبـي
تبيني اكذب وألبـس ثيـاب الطهـر والأيمـان
انا مقدر اكون الا بشـر والثـوب مـو ثوبـي
ثيابي كله عيـوب وعيوبـي مالهـا حسبـان
ذنوبي مالها اخـر عسـى الله يغفـر ذنوبـي
مدام الحب في شرعك خطيئه مالهـا غفـران
اجل خـوذي مكاتيبـك تخلـي عنـي وتوبـي
واذا شعري حسب ضنك يخالف معضم الأديـان
تخيل كيف ابي اوصف لك شعوري وانت محبوبي
مدام ان الهوى عذري وش الي يجعله عصيـان
ومدام انـك مـلاك الارض وش دلاك لدروبـي
تخلي عن مفاهيمـك تراهـا تشبـه الرهبـان
ولاني قايل كونـي سفيهـه واشبهـي روبـي
انا مقدر اكـون الا حبيـب وشاعـر وانسـان
انا اسف عجزت اقدر اغير طبعـي واسلوبـي
ولا اذكر قلت لك اني مـلاك ولانـي الشيطـان
انا مثلي مثل غيري بشر ياكثـره عـــيـــوبــــي
مع تحياتي:
اسيرةو رجل
مواقع النشر (المفضلة)