(شــــــاعــرهـــــا)...

[ذكريآت الأمس]

بسم الله الرحمن الرحيم


لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا

خلـك علـى خبـري وظنـي وهقـواتـي
خابرنـي الضيـق والضيقـات خابـرهـا

وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا

تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!

ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا

لا يـا بعـد شهرتـي واعظـم نجاحـاتـي
وكل القصايد مـن ابسطهـا ليـا اشهرهـا

ولا يـا بعـد مـن يــدوّر لانكسـاراتـي
شعّار سبب وجـودي ضيـق خاطرهـا !!

انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها

يـا اوّل وآخـر قصيـدي وآروّع ابيـاتـي
محـدٍ يحـب القصايـد كثـر شاعرهـا !!

مـا فـاق حبـي لـك الا حبـي لـذاتـي
يعنـي احبـك محبّـه مــا اتصـوّرهـا

يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا

واغلى من الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا

وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا

واطهـر حكايـة محبّـه فـي حكايـاتـي
مـن قبـل لا عيشهـا حسّيتـك اطهـرهـا

لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا

ولا تضـايـق لـيـا كـثّـرت جـيّـاتـي
ضيّعـت فيـك السنيـن وجيـت ادوّرهـا

تـعـال رتبـنـي ورتــب حسـابـاتـي
او تدري شلـون ؟! رتبنـي و بعثرهـا !!

مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا

اكبـر عيوبـي : بديتـك مــن نهايـاتـي
واكبر عيوبك : لقيـت اوّلـك بآخرهـا !!

يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!

مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخرهـا

رجعنـي لوقتـي او رجعـلـي اوقـاتـي
عاميـن تنطرنـي .. وعاميـن ناطـرهـا

وتقـبـل الــود والشـكـر وتحـيـاتـي
يـا ساكـن الـروح والـروح ومشاعرهـا

وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا

لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !!


الشاعر: محمد جار الله السهلي.

[ريان الشمري]

[align=center]
دمع الزهر




يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!




اللـه يعطيـــك العافية قصيـدة قمـة بالروعــة بـذوق


راقـي وعـالي تســلم يمينـك


واحسنتي الأختيــــار .. im0



تحيـــــــــــــــاتي لـك ..[/align]

[تركــي العــولقي]

[poem=font="Traditional Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تـعـال رتبـنـي ورتــب حسـابـاتـي
او تدري شلـون ؟! رتبنـي و بعثرهـا !!

مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا

اكبـر عيوبـي : بديتـك مــن نهايـاتـي
واكبر عيوبك : لقيـت اوّلـك بآخرهـا !! [/poem]




أمد يدي .. أمديني كلي ,,
.
.

أعديني كما خلقني ربي ,,
:

أحبك

رغم هذا الوحل الذي تغص به قدمي ,,


فـ ليكن حبك/أنتِ ,,

دموع الزهر


احسنتِ اختيار الكلمات ,,

لاهنتِ اخيتي ولاعدمناكِ ,,



,
,
,
,
,
,

لك بالغ تحياتي واصدقها
,
شكري العميق لقلبك
" إبن العولقي " ..

[ريـــــوف]

[poem=font="Simplified Arabic,4,darkred,bold,normal" bkcolor="silver" bkimage="" border="double,5,darkred" type=0 line=0 align=center use=ex num="0,black"]
وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا

لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !! [/poem]

.
.
.
.

تســـلميــن يالغــــلا ع النقــــل الــرٍائــــع ..

دائــمــاً متــألقـــه ..

وستظليــــن هكــــذا ..

.
.

أصـــدق التحــايــا لكـ ِ

[ذكريآت الأمس]

ريـان الشمري

الله يعافيك يا أخوي ..

اسعدني تواجدك الغالي..

ألف ألف شكر لك.

ولك مني ارق التحايا واعذبها.