الويك إند مع عصفوره ..

**عصفوره** · 08-09-2006, 12:40 AM

هلا والله هلا
هلا بالي نور موضوعي يا هلا
هلا بالحلوين ونور العين

شخباركم شعلووومكم

المهم نزلت لكم ويك إند طبعا مدموج مابين الصج و الخيال بس إنتوا إقرووه و إذا عجبكم عطوني رايكم عشان أنزل إلي بعده و إذا لاء طبعا ما أبي أشوف رقعة وجه واحد فيكم و حذفوه على طول .... ههههههه
و يالله حياكم في الويك إند ..

الكل طلع و ما بقى في المعمل إلا أنا و صديقتي رهف و المدرسه إلي قاعده تلم أغراضها .
أنا : رهوف ما أقدر أمشيء رجلي تعورني .
رهف : إحلفي .
انا وخلاص شوي وبصيح : والله يعني بكذب عليج .
المدرسه : اشفيكم عجبكم المعمل .
رهف ولقافتها : لا بس ريم ما تقدر تمشي من الطيحه .
المدرسه خافت وعلى طول جات وخلتني أحركها بس طبعا أنا ما أقدر
ونادت المراسله وراحت تاخذ لي إذن من السكرتيره ورحت للمستوصف ؟إلي تابع للمدرسه وطلع إنه فيه كسر بسيييط ( متى صار الكسر بسيط ) المهم رجعت البيت و من البيت للمستشفى و جبسو رجلي و رجعت و أنا في السياره طلبت ميرندا فراوله و يوم جيت بشرب منها إلا تنكب علي لأن حظرة أخوي المصون ما قالي إصبري
في مطب ..

و انتهى ألويك أند بجميع الإصابات وبدون طلعات الله يستر شنو راح يصير بألويك أند الجاي ..
im6

إختكم : عصفوره حلوه و دلوعه..

**عصفوره** · 08-09-2006, 12:42 AM

صار في غلط مطبعي سوووووووووووووووريي راح نبداء ..

يوم الأربعه الساعه 6 الصبح وعلى نغمات الساعه الجميله ....<< أقول تكلمي عدل ...
ههههههه أوكي ...
والباص جاي بعد 10 دقايق وتوني بقوم من على السرير يصقع راسي بالتسريحه وطلعت لي صعروره صغيره المهم دخلت الحمام وغسلت وجهي ولبست مريولي ومادري شلون صليت يمكن ركعه ونص وسلمت ونزلت تحت ولا أشوف البيت كله مثل النحل مستوي أثره مب بس أنا إلي متاخره المهم سمعت صوت هرن الباص و طلعت بسرعه و أول ما جيت أركب الباص أحط رجلي على الدرج ذيل مريولي كان أسبق و دست عليه ويوم رفعت راسي أشوف شنطتي في حضن السواق وأسمع البنات يضحكون المهم أخذت شنطتي و تأسفت له ورحت أجلس على أحد الكراسي الفاضيه .
وصلت المدرسه ومرت الحصه الأولى و الثانيه بسلام
ودق جرس الحصه الثالثه وصار عندنا معمل كيمياء والكل صار صاروخ لأن لو تأخرنا ثانيه راح يصير فينا شيء حطينا كتبنا على الطاوله وجلسنا وشوي تدخل علينا وهي بكل هيبتها ..
مدرسة الكيمياء : السلام عليكم ..
البنات : واااعلييييكم السلاااام واارحمة الله و بركاته .
أريج : شخبارك معلمه ....<<< تسوي نفسها خفيفة دم ..<<<< ياربي غثيثه ما أطيقها ..
المدرسه : بخير الحمد لله ...... تفتح دفترها التحضير و دور على إسم هي كانت حاطته في بالها و شوي ترفع راسها و تشوف تعابير البنات وطبعا الكل واثق ومتصدين أي سؤال راح ينرمي في مرماهم بس لو تطلون شوي على رجولهم راح تشوفونها بتتفتت من الخوف وكل وحده تدعي إنها ما تقول اسمها المهم رجعت نزلت راسها و بابتسامه قالت : ريم .
قمت و في عيني نظره تحدي ووثوق + ترجي من إلي حولي إنهم يقرون علي الفاتحه ..
أنا : هلا .. الله يستر ( طبعا هذا في قلبي ) نعم
المدرسه : حليتي الواجب ؟
أنا : إيه شدعوه ....<< مدري من وين جاتني القوه هههه
المدرسه : لا بس مدامج حليتيه تعالي حليه على الصبورة .
أنا وفي قلبي قاعده أدعي عليها : إن شاء الله .
أخذت دفتري وطلعت على الصبورة ، و شوي أسمعها تقول مع الشرح
و ابتسمت ابتسامتها المعتادة و أنا رديت لها بابتسامه مثلها المهم أنا بديت بالحل و هي قامت تدور على البنات و تشوف مين إلي حل ومين إلي محل وطبعا أنا في موقف لا يحسد عليه ووجهي قالب لوحة ألوان بيني و بينكم أول مره أوقف قدام البنات وأجلس أشرح لهم الحل المهم يوم وصلت لثلاث أرباع المعادله قالت لي إستوب أنا تخرعت شالسالفه لا يكون غلط و شوي أسمعها ..
المدرسه : مين يكملها ..
ولا وحده رفعت إيدها حتى أريجوه المغثه ما رفعت و جلست تقارن بالصبوره و الدفتر إلي عندها بس يطلع شيء مختلف شنو هو ما تدري .
المدرسه : إشفيكم مب إنتم حالين يالله وحده منكم تكمل .
أنا تطمنت إنها إلى الآن إجابتي صحيحه و إرتاح بالي شوي وهدى التوتر ولا أحس بيد على كتفي .
أنا : بسم الله .
المدرسه : شفيج شايفه جني
أنا : ههه لا بس تخرعت توج كنتي هنا ....<<< ههه بديت أشيل الميانه .
المدرسه وهي تخفف دمها: فمين تفكرين هاا ..
أنا وفي نفسي والله إنج رايقه : ههه لا أفكر في الحل يمكن شيء نسيت أكتبه
المدرسه و كأنها تترجاني : طيب تكملينه .
أنا : أوكي ....<<< لا رايقه بعد
المهم كملته وبعد ما خلصت مسكت دفتر العلامات وزادتني درجتين ....<<<<< ييييييييييسس
المدرسه : ممتااااااااااااااااااازه هذا هو الحل الصحيح
أنا ومرتاحة البال : وفي طريقه ثانيه أقصر بس سطرين....<<< ونظراتي لأريجوه المغثه .
المدرسه : تعرفينها.
أنا في خاطري : أكيد أعرفها ولا ما كان قلت لها لج ..... تبين أكتبها
المدرسه هم بعد بتحدي : كتبيها .
وطبعا أنا رافعه ريشي وأقول في قلبي مب بس إنتي يا أريجوه .
وبعد ما كتبتها شافتها و إبتسمت إبتسامه رضى .
المهم و أنا راجعه لمكاني كان في مثل الفتحه مسكره عشان الأنابيب بس هالمره كانت مفتوحه و طبعا من الوناسه ما شفتها وشوي ما اشوف إلا دفتري جالس في مكاني و صوت المدرسه يقول
المدرسه : عسى ما تعورتي ...<<< يعني طحت شتبين يصير فيني..
أنا : لا جات سليمه . ( هذا اليوم راح يصير فيني شي )
المهم أخذنا الدرس و أنا أحس كل مالها رجلي تعورني و أتمنى الحصه تخلص بس متى الله العالم و بعد ربع ساعه دق الجرس بس طبعا ما طلعنا للفسحه إلا بعد 7 دقايق لأنها كانت تعطينا الواجب .
الكل طلع و ما بقى في المعمل إلا أنا و صديقتي رهف و المدرسه إلي قاعده تلم أغراضها .
أنا : رهوف ما أقدر أمشيء رجلي تعورني .
رهف : إحلفي .
انا وخلاص شوي وبصيح : والله يعني بكذب عليج .
المدرسه : اشفيكم عجبكم المعمل .
رهف ولقافتها : لا بس ريم ما تقدر تمشي من الطيحه .
المدرسه خافت وعلى طول جات وخلتني أحركها بس طبعا أنا ما أقدر
ونادت المراسله وراحت تاخذ لي إذن من السكرتيره ورحت للمستوصف ؟إلي تابع للمدرسه وطلع إنه فيه كسر بسيييط ( متى صار الكسر بسيط ) المهم رجعت البيت و من البيت للمستشفى و جبسو رجلي و رجعت و أنا في السياره طلبت ميرندا فراوله و يوم جيت بشرب منها إلا تنكب علي لأن حظرة أخوي المصون ما قالي إصبري
في مطب ..

و انتهى ألويك أند بجميع الإصابات وبدون طلعات الله يستر شنو راح يصير بألويك أند الجاي ..

إختكم : عصفوره حلوه ودلوعه

**nonoo** · 08-09-2006, 11:42 AM

خطيرة فكرتيني بنفسي ايام الثانوي ومعامل الكيمياء
(بس سؤال ليش كل معلمات الكيمياء زي كذا مرعبات )
تسلم ايدك ياعصفوووووووووورة

**ahla_cinderella_story** · 08-09-2006, 12:23 PM

والله صدقك يا نونو يمكن المواد الكيماوية من كثر ما يستعملونها تخربط بعقولهم

عصفووووووووووووووووووووووووووووووووووورة يا هلا و غلا بج يا بعد عمري لج وحشة يا الدبة

القصة بدايتها حلوة بس لا تسوين مثل المرة اللي فاتت و ما تكملينها <<<<شعندها تهدد

المووووووووووووهم انا تبعا تبعا متابعتج جزء بجزء و اذا اتأخرتي ولو مرة بطردج من الشغل هااا فاهمة<<<صرنا بمسلسل كويتي

يلا حوبي متابعيين

**عصفوره** · 10-09-2006, 10:18 PM

مشكووووووووووووووره على مرووركم
وصدقج يا نونو كل مدرسات الكيمياء كذا و الله أذكر
كانت بس يقولون المعلمه الكيميا راح تمر من هالممر
في ثانيه الممر ما في ولا بنت و إذا ضحكت نستغرب ههههههه
وبعدين سندريلا أنا ما أمشي بالتهديد أوكييي ...<<<< مسويه فيها قويه هههه

المهم ما علينا وهذا ويك إندي للإسبوع إلي طاف و يارب يعجبكم و ما يطيح وجهي ..

يوم الخميس الساعه 10 الليل سحبت شنطه اللاب توب ...<<< تبي تقول عندها لاب توب ههههههههه
بيدي اليمين و سلك الإنترنت باليسار طبعا تعرفون أحجزه عشان ما ياخذه أحد من أخاواني المهم طلعت اللاب وجلست في مكاني المعهود وشغلته وجلست أنتظر لين ما يفتح قمت أسويلي كبتشينو للتسليه وحطيت جبس ( بطاطس ) في الصحن قلت خلني أسوي لنفسي جو
المهم فتح اللاب توب و شبكت السلك و بعدها شبكت النت و جلست أتامل الصوره إلي كنت حاطتها على شكل خلفيه لسطح المكتب (Background) وفتح النت ..<< الحمدلله لأنه ساعات يسوي فيها عاقل وما يفتح ..
المهم فتحت المنتدى وعبال ما يفتح فتحت المسنجر منها أطمش على الموجودين ومنها أشوف الإميل طبعا ماكان فيه أحد وجلست أشوف الرسايل ..
الرساله رقم ( 1 ) : منتديات .......... ترحب بكم .
الرساله رقم ( 2 ) : طبعا بالإنجليزي فما راح أتعب نفسي أفتحها يكفي ذيك المره يوم فتحت الرساله وتطلع لي ذيك الصوره فالحين حرمت أفتح أي رساله عنوانها إنجليزي طبعا غير إلي أعرفهم فأفتحه .
الرساله رقم ( 3 ) : منتديات ........ لتفعيل حسابك ...<<< الصراحه ما أذكر إني إشتركت فيه . ههههه
الرساله رقم ( 4 ) : هشام الهويش كاد أن يفقد حياته .
الرساله رقم ( 5 ) : شخبارج يا الدبه وشخبار رجلج المكسوره ..<<< أكيد عرفتوا مين هذي رهوووف.
الرساله رقم ( 6 ) : جريده من الهوت ميل .
الرساله رقم ( 7 ) : أخر أخبار لبنان .
الرساله رقم ( 8 ) : إنشرها وبعد 40 يوم راح تسمع خبر حلو ...<< الصراحه ما احب الرسايل إلي مثل كذا .
الرساله رقم ( 9 ) : منتدى ........ رساله خاصه من العضو فاقد حنان.
الرسايل من ( 10 – 20 ) : كلها إنجليزي
الرساله ( 21 ) : حمل المسنجر الجديد 8 .
الرساله (22) : ويييييييييييييينج المنتدى فقداج عسى ما شر حشى إسبوع ما تدخلين خافي ربج فينا ...<<< ههههه هذي صديقتي في المنتدى هههه.
و أخيرا خلصت 22 رساله والحين الساعه ( 10:45 ) يووووووه بعد وراي الإميل الثاني وبسرعه سكرت هالإميل وفتحت الثاني وفجئه طلع في وجي مستطيل إضافه طنشته ورحت للإميل والحمد لله ما كان في إلا (10) رسايل وكلهم مالهم داعي إلا الرساله رقم ( 8)
كان مكتوب فيها : السلام عليكم ... هلا والله أختي .. معاج أخوج فاقد حنان حبيت أضيفج عندي و يا ريت تستقبلين هالإضافه .
طبعا بذكائي عرفت إن إلي شفت إضافته مساع نفسه هذا ..<<< لا يا شيخه .
المهم سكرت الإميل و إستقبلت الإضافه و ثواني هو دخل .
أنا : السلااااااااااااااااام ..
فاقد حنان : هلا وغلا ... وعليكم السلام
أنا : شخبارك أخوي
هو : الحمدلله .. إنتي شخبارج .
أنا : دوووووووم مب يوم .. و أنا بخير مدامك بخير
هو : يسلمووو .... إن شاءالله دوم .
أنا : 
هو: ..........
الصراحه أنا طنشته ودخلت المنتدى صارت الساعه 12 و أنا ما دخلت
المهم جلست أتناتجر مع هذا و أصف مع ذاك وخرب علي إن دماجي ذاك الصوت و أفتح المحادثه ..
هو : شكلج مشغوله .
أنا :  أبد جالسه على المنتدى ... تبي شيء
هو : لا بس شفتج ساكته ..
أنا :  أهااااا
هو : ما قلتيلي من وين ....<<< يبي يفتح سالفه ..
أنا :................
هو : ريموووووه
أنا و منصعقه شلون عرف إسمي بس تذكرت إني كاتبه نكي ( ريم فوق الكل ) : إنت من وين ؟
هو : ههههه أنا سألت أول ..
أنا : ........ <<< كنت أحوس بالمنتدى ههههه
هو : طيب أنا من السعوديه إنتي من وين ؟
أنا : أنا من الكويت ....<<<< طبعا في القصه بس...
هو : كذاااااااااابه
أنا ( كذاابه في عينك شنو شايفني ) : 
هو : أسف ما أقصد بس تحمست والله سوووووري .
أنا ( أي بنك يصرفها ) : لا عادي
هو : والله ما أتوقعتك كويتيه قلت يمكن بحرينيه أو إماراتيه .
أنا :  حسيت إنك بتقول هالكلام أصلا الكل يقولي كذا ههه و أكثر شيء إمراتيه ..
هو : طيب وين من الكويت ؟
انا : الكويت ..
هو : أهاااا العاصمه ..
أنا : هههه تقدر تقول كذا .
هو : تعالي تعرفين مجنون بلي في قلبه ؟
انا : اذكر إنه كان معانا في المنتدى بس الحين مختفي
هو : إيه مدري وينه
أنا : كان له حس مشاءالله عليه مسوي ضجه
هو : إيه والله تدرين أنا ما قد قابلته
أنا : شقصدك يعني أنا إلي قابلته ههههههههه
هو : ههههههههههه لا هههههههه
أنا : طيب أخوي حاجه أماره بسكر ؟
هو : لا تسلمين مع السلامه .
وسكرت من عنده وعلى طول على المنتدى الحمدلله ما كان يشجع ومافيه أعضاء كثير لأنه جات الساعه 2:30 و أنا ما شفت شنو فيه وهل نزلو تكمله للقصص ولا لاء المهم سويت إلي أبيه وسمعت أذان فجر و سكرت و أنا قاعده ألم أغراضي و ألف السلك إلا و أشوف ذاك إلي يطير و يوقف على الباب و يطالعني بعيونه و أنا شوي و أسويها على نفسي وصارت يدي تشتغل و عيني عليه الحمد لله إنه ما طار مره ثانيه ولا كان بيصير فيني شيء المصيبه من وين طلع وشوي شوي أقوم و أنا أتنافض ورجلي إلي مب شايلتني والجبس ثقلها زياده وتوني برجع الشنطه مكانها إلا وأشوف ذاك الأسود إلي يلمع مدري كم كيلو دهن ملطخ جسمه فيه جالس عليها بعد هو ووجه و يطالع فيني هنا أنا قلت لازم أهرب بأي طريقه بس كيف أعدي وجلست أفكر و الدموع غسلت وجهي وما أدري إيش إلي خلاني ألف وجهي ناحية الستاره ولا أشوف لكم ثلاث منهم إثنين كبار واحد صغير تقولون توهم متزوجين وهذا طفلهم الأول بودونه الروضه مب حنا لين ما يستوي عمرنا 4 سنوات بعدين نروح و أصرخ لكم ذيك الصرخه قومت البيت كله ..<<< تراني سويت خير قومتهم عشان يروحون يصلون .
أجل تبوني أسكت و أشوف خمس قدامي لالالالالالا ما أقدر
أنا : سوووووووووونيااااااااااا ....<< شغالتنا .. الحمدلله كانت رايحه المطبخ ..
بس ياريت ما قلت سونيا تذكرون ذاك إلي طار ووقف على الباب رجع وطار مره ثانيه وكان متجه علي  و أنا أصرخ وهو غير إتجاهه
سونيا جايه تركض ( من بعد المطبخ يا شيخه ) : إيس فيه ريوم .
أنا : جيبي فليت بسرررررررعه في صراصير
سونيا بغباء : إيس
أنا : صرصور كبير فيه بسررررررعه فليت
الحمدلله إنها فهمت وراحت تجيب فليت و بدئت المعر كه بين سونيا و الصراصير طبعا بعد ما طلعت حشى تقولون جالسين في بيتهم خلصنا ثلاث علب فليت بس الحمد الله إنتهت المعركه بفوووز سووونيا .
آووووووووووو ماااااي قاااااااد إلا الصراصير و الوزغ ( طيطار ) لا يقربون بجنبي يووووووووووووووووه ما أبي أذكر خلاااااااااص
طبعا إشتريت لي شنطه ثانيه لللاب توب لاني نو وووي أستخدم هذي الشنطه بس لحظه من وين طلعو لنا ؟؟؟؟؟

و انتهى هذا ألويك أند بمأساته الصرصوريه و الله يستر الويك اند الجاي.