قصيدة ( مهاو ) للشاعر سعد علوش .
السلام عليكم ورحمة الله وبركاته
قصيدة من أروع ماقيل في قصائد الغزل
[poem=font="Simplified Arabic,5,black,normal,normal" bkcolor="transparent" bkimage="" border="ridge,4,orange" type=2 line=0 align=center use=ex num="0,black"]
آخر حركات التدلع والغنا = اللي اسمها مها ! وفـ الدلع مهاو
فرفورةٍ تسلّف الشمس السنا = مغويه ويطرد وراها كل غاو
إن وقفت كل شي متباعد دنا = وكل شي متلخبط مع الوقفه تساو
وإليا مشت..! قال النمل الله لنا = تقاو يا جوعي .. على صبري تقاو
ذروة ترف .. ذروة غنج .. ذروة هنا = جمال ما يستوعب .. وما ينتقاو
في جنبها نورة وعبير ومنى = شباب وعند الإبل وكشختهم فراو
مخلوق لامنه انثنى يعني انثنى = كل الزوايا تستقيم .. إليا تزاو
يا بوي شي لا يوصف ولا ينجنا = يسببلك جروح لا يمكن تداو
مثال.. لاجاعت وطال ابها العنا = كل الحلاو اللي على هـ الأرض جاو
هي جايعه ؟ يارب تاكلني أنا = هذي سواليف الحلاو مع الحلاو
وليا كلت أطرف حلاوة من هنا = كل الحلاو .. يشوفها ويقول .. وااااو[/poem]
الشاعر / سعد علوش
ارجو أن تصل لذائقتكم
دمتم بكل الخير
دمع الزهر
رد مع اقتباس
مواقع النشر (المفضلة)