اروع المرثيات في الملك فهد طيب الله ثراه
مرثية رائعة في خادم الحرمين الملك فهد من افضل واروع المرثيات
لما فيها من وصف الموقف من جميع النواحي من شاعر رائع وجزل
بحجم \\ سالم بن جخير ال عرجا \\
فإليكم هذه الرائعة :
اعوذ بالرحمن من كل شيطان ومن الغدر ومن الحسد والعمايل
[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
اعوذ بالرحمن من كل شيطان= ومن الغدر ومن الحسد والعمايل
والى ابتدى ليل القصايد والالحان = بديت واشفيت النفوس الغلايل
وانا ماشوش الا على صهلة حصان= وعلى عزاوي ناقضات الجدايل
مانيب اخوض الحرب في كل ميدان = الين يشعفني صهيل الاصايل
الله خلق لي فكر وعيون ولسان = اقدر اميز واتكلم واخايل
نيابةٍ عن يام والشيخ راكان =وقفت امثل لي شعوب وقبايل
وذبيت في راس الطويلة مسيان= والحيل مامن حيل والدمع سايل
ومن البكا سالت ملازم ووديان= وحتى الطويله من دموعي تهايل
وبكوا على صوتي شغاميم نجران =وبكوا على صوتي شغاميم حايل
عليك ياعز العروبه اكحيلان = عز العرب رمز الوفا والجمايل
ملك ومتواضع وللعز عنوان= حذفك بعيد وشبر يمناك طايل
اسمك الحاله يرجح بكل ميزان = وذكرك مابين الناس صايل وجايل
من لا انجبت مثلك على مر الازمان = احسن لها تبقى على طول حايل
ومن لا نهج نهجك على سنان وعنان = ماظنتي يدعى صبي الصمايل
تركتنا في عز في امن وامان = وانعام ماتحصى وخير وفضايل
موتك فجيعه حلت بكل الاوطان = من هولها شفنا نجوم القوايل
يومٍ بدى مظلم تباشيره احزان= تقول في يوم الحشر والهوايل
لكن عزانا في هل العز والشان = اخوان نوره مقُدم اعيال وايل
العزوه اللي لكتسى الجو دخان = افعالهم تلغي جميع الفعايل
نرسل عزانا صوب ذربين الايمان= ونجدد البيعه بكل الوسايل
ونرفع يدينا كلنا سر واعلان = وندعي لهم بالفرض والا النفايل
على العهد باقين انصار واعوان = ماخانوا العشره اعيال الحمايل
ماعندنا باير وكاذب وخوان = نصدق مثل صادق حقوق المخايل
لعيون (عبد الله) ولعيون (سلطان)= ناقف ونردع كل غازي وعايل
هذي عوايدنا مقلع وخبلان= والى نوينا يعتدل كل مايل
ناتي كذا خبلان صقهان عميان= ونذود دون معوبسات الشمايل
حنا نهار الضيق رئاسة اركان = حنا الكتايب واللوا والفصايل
حنا لقادتنا محازم وفرسان = ضد الغدر ضد الجهل والتحايل
من عهدنا الاول الى عهدنا الان = وحنا على نهج الجدود الاوايل
والحكم لال سعود والضد خسران = وعندي على قولي شهود ودلايل
ومن لا اعتبر يقلط على السيف شامان = وماله عن الموت المحقق بدايل
اقولها من قلب يغشاه الايمان = واعيدها لاقيل ويش انت قايل ؟
وان ودع بليهان ياتي بليهان= وحنا بامن وامان والشك زايل [/poem]
سالم بن جخير بن نادر العرجاني
رد مع اقتباس
مواقع النشر (المفضلة)