آهــــــــــــات اللـــــيــــــل( نــــايـــف الــشـــمــــري)
[align=center]هذه قصيده اعجبتني احببت ان انقلها لكم عسى ان تنال اعجابكم
للشاعر نايف الشمري[/align]
[align=center]سواد الليل والجمر يتراقص واللهب سكران
احس اني لزم ارحل مع الدخان باسفاره
انا من ذا الزمن مليت انا من ذالزمن تعبان
انا اضمى لاشربت الما واحس الثلج في ناره
آهات الليل لي سكنى وانا ياصاحبي عنوان
هلا واهلين بهمومي وحزني وقت مسياره
انا عايش مع الماضي ولا ادري لو تدور ازمان
ولا اشكي والبشر يشكي يقول ايام دواره
تمكن في سما عيني خيال اسود بلا الوان
اشوف ان السواد اضفى علي ولملم ستاره
انا ما همت في حب العذارى داعجات اعيان
ولا سافرت بدروب الغرام وتهت باقطاره
انا الحزن انولد يوم انولدت وبالاصح اخوان
سكن في خاقي وامسى خفوقي بيته وداره
انا دمعي على خدودي رسم لي ميزه ونيشان
واذا جيت ارتحل لازم اعود واسكن جواره
الا يامهيج شعوري الا يا مفجر البركان
نزف مني حمم واحرق رياحينه مع ازهاره
انا لا من عشقت اعشق همومي وادمنه ادمان
احاول يجرح بحده خفوقي واطلب بثاره
واذا يوصل على حد الكرامه اترك اللي كان
وربي لتركه وانسى هواه وعذب مشواره
نعم شاعر نعم جامح نعم مجنون بس هيمان
نعم فارس وبضلوعي اصد القوم والغاره
اعيش وجنتي شعري واحس ان الشعر بستان
ولا فكرت في روض النبات وجاري انهاره
الا ياقاري ابياتي تراني ما فقدت انسان
ولا حرك لضى حزني صروف ايام غداره
يجوز الكاس ذا عيبي ويمكن ميزة السكران
يقول الهرج في سكرة مزاج مضيع افكاره
يجوز ان زارني فجاه وانا جالس خيوط جنان
يقول القول ما يدري وش المعنى وتذكاره
يجوز انه طرف طيف لفى في نومة الحلمان
سرى في داخل احساسه وتعدى عالي اسواره
يجوز ان الحكي هذا طلاسم من شعر شيطان
رساله لغايبه تفهم وش الخافي من اسراره[/align]
[align=center]
نايف الشمري[/align]
[align=center]أخوكم[/align]
[align=center][/align]
رد مع اقتباس
مواقع النشر (المفضلة)