بسم الله الرحمن الرحيم

قصيدة سعيد بن مانع السيل ماعمره رقا من فوق لتحت , اشعار سعيد بن مانع , شعر السيل ماعمره رقا من فوق لتحت , ابيات من كلمات سعيد بن مانع القحطاني


يابـارقٍ لوّحـت .. لليـل ضوّحـت
ثوّرت فينـي خامـد الحـب والشـوق
ذكرتني فـي بسمتـه عقـب مالحـت
ونقضت جرح وسال من ضيمه المـوق
وانا كتمت اللـي بصـدري ولا بحـت
ومن كثر مابه ؟ صرت ضايق ومخنوق
اسهر بهاجوسي ولا منـي اصبحـت ؟
اهجع واشوفه جعـل ماناشـه العـوق
وأفرح .. ولامني من النوم صحصحت؟
اقول : ياليتـي مـن النـوم ماأفـوق
قد صحت من درب المحبين قد صحت
ماطاعني قلبـي وسـاق القـدم سـوق
وش زان لك ياقلب ؟ مبسوط وارتحت؟
قد علمـك عقلـي ولكنـك مطفـووق
ولا أنت ياللي ماخذه عقب ماأجتحـت
اضلاعـي بلـيّـا تنحـنـح ولا ذوق
ماطحت من عيني ولو جرت ماطحـت
تبقـى بعينـي لـك مكانـه ومرمـوق
انساك ؟ كيف انساك من عقب مارحت
وانته تركت بداخلـي جـرح وفتـوق
السيل ماعمره رقا فـوق مـن تحـت
واذا رقا ؟ بأنسـاك ياأعـز مخلـوق