والله ثم والله تبطي تهز كيـآني ..!
السلام عليكم
هذي قصيده اهديتها لـ كل طعسه ( بدويه ) شـامخه
لا تأبه لـ الحثاله ..
:
:
سافـر شعـورك لغيـري ومركـبـه بــاع المـوانـي
وخـان قلبـك كـل لحـظـة حـلـوة عشنـاهـا سـويـة
بعتنـي .. ضيـعـت حـبـي و بعـثـرت كــل الأمـانـي
أمنـيـات بقـلـب طفـلـة صــارت بحضـنـك صـبـيـة
عشتـهـا سنيـنـي مـعـاك نعـبّـر بأحـلـى الاغـانــي
اربــع اسنـيـن جمعتـنـا كـانــت عـيـونـي غـويّــة
لـلاسـف صفـعـة قـويـة جاتـنـي بـغفـلـة زمـانــي
مـادريـت انــك مـخــادع وطيـنـتـك طـيـنـة رديّـــة
ياحسـافـة ! كـيـف يـنــزل مـسـتـواك لهـالـدوانـي
ساذجـة .. لعبـة لغيـرك .. كاذبـة وايـضـا ً غبـيـة
وقلـبـي الحـيـن يتـفـطّـر حـزنــه يـهــز المـحـانـي
كيـف انـا كنـت اتحمّـل ليـن انـا صـرت الضحـيـة
لــــو ابــصــرخ هــــم والله لـلـتـهـدّم هالـمـبـانـي
ولـو ابــذرف دمــع عيـنـي صــارت الدنـيـا نـديّـة
بـــس والله ثــــم والله تـبـطــي مـاتـهــزّ بـكـيـانـي
شعـرة ٍ لـو هـي صغيـره .. دامهـا منـي .. قـويـة
يارفـيـق الأمــس ابـعـد ولا تـجـي تــدوّر مـكـانـي
خلّـك انتـه مـع حُثالـة مــا تـسـاوي ظـفـر ايـديّـه
وانتـبـه ثــم انتـبـه ثــم انتـبـه تـرجـع لــي ثـانــي
لانـي لـو عاديـت ابغـض .. وهـذا طـبـع البـدويـة
لا عشقت اشربك عشق ولا رويت اسقيك اغاني
بنـت أصـل وطيـب فـصـل وميـزتـي فيـنـي حمـيّـة
شامخـة مايهـد حيـلـي غـيـر ربــي الـلـي بـرانـي
وانـا تـاج ٍ فـوق راسـك ونجمـة ٍ تضـوي البريـة.....
رد مع اقتباس
مواقع النشر (المفضلة)