يومياتي مع شلتي الحشاشين

[][خجووول][]

بسم الله الرحمن الرحيم


السلام عليكم يالربــع والربعااااااااااات

والشاص والشاصاااااات

ياناس ما اكتب الا مع الصلاه



يلعن ام الجوووووووووووو


صلاة الظهر بختصر لكم


بعدين ترا الجو مغيم فلـــه

فله ولا شقق


شوفو اللي بيتكلم خارج عن نطاق الموضوع يا قسمن بالله اني لا اقطع عنه الامدادااااااات واحاصره ثلاث ايام بلياليهاا

تنبيه :

الرااااااااااااااايق يقرا موضوعي على رواقــــــه
تراه طويل وبدون ثمره

القصه تتكلم عن شلتي
الشله معروفين العدد
20 نفر

الروس الكبار
كاتم << غني عن التعريف
هجومي << يحتاج سي دي للتعريف
حطوم << امير الشله
نواف << خروفنااااااااا الحبووب
شيخة غلاها << هذي دايم منكمخه تحشش حتى بالقاعه مخربتهااا
غلاي الزين << اكلت الباند
بسام << جاتني تهزئه محترمه
القلب السهران << ظلمت حظي وظلمته معي

عاد القصه تبي تختصر عن ثنين بس المنكتم وهجووم

وغالبها عني اناااااااااااااااااا بحكم اني البطل في هالقصـــه

النهايــــــــــه حلوه لاتفوتكم

جيبو معاكم شاي وفستق ومضير ((بقل)) وقشمو وانتم تقرون وشغلو مسيقى حزيينــــــــه

ومثل ماقلت لكم عن هجوم وكتوم

لنهم هم اساس القصه ماجابو لي الصمرقع لاا هم

ويكون في علمكم ...................


انا كل ماكتبت موضوع نقزو ناس مايدرون وين الله حاطهم اللي يرد مايدري الموضوع وش هدف

يا نااااااااااااااااس انا هدفــــــــــــي في الحياه طلع تسلل مالي هدف

ولا جبته دبل كيك ملعون والدين رفعه إلى هجومي مثل رفعات ديفد بكهام ونواف التميااط يالبى قلبه

وانا اطير مثل كابتن ماجد ساعه في الهوا

اششششششششششششششطح وارفع رجلي اليمني فوق ولما نزلتها الا اليسرى تسبقها وتدبل الكوره

يعني هدف مدروس ومتكتك تكتكه ..



القصـــــــــــــــــــــــــــه

مره كنت في جمعت العائله ((الذكور طبعاً ))

نايف ومعمر وعبدالله مشعل وتركي وسلطان والسابع انا :23ar:
كنا جالسين في الحوش باسطين فرشه المغرب بعد صلات المغرب
وقعود نسولف ونتقهوا وكان في يدي فنجال نسكافيه وجالكسي فانيليا كيك بالفانيلا
يعني توصيف محترم خواني ياكلون تمره ودخن((بعضكم يسميها خواضه )) ههههه
وعندهم حلويات من حلويات الشرووق :23ar: يالبى قلبهم
عاااااااااااااااد
انا مكتم ضايقتن فيني الوسيعه

طفرآآآآآآآآآآآآآآآن اكلن تبن حتى خمسه ونص قيمة التتن مهيب معي

ودي افاتحهم بالموضوع المهم طب علينا جمس الهئيه امــــي << الله يخليها لناا

زقت الاخلاق قفلت معي اعرفها اذا تكلمت قالت قبل يومين عطيتك الفلاني والفلاني انت مبذر في الفلووس

المهم انا تمالكت اعصابي وقلت خلك فري ياولد واضحك مع الشيون خوانك

مافيهم الا معمر هو اطلق واحد لو اقول عطني مليون مايقول وش تبي فيها

ولا هذوليك لو قلت عطوني ريال قالو ليه وش عندك وش ناقصك وش تبي فيه

يعلن اصلكم انت وياه اللي يشوفني يقول يطلب سياره

كل من شرا له سياره جديده حذف على قربوعته وبعد يومين يبيعها

تقول كني مستودع سيارات مستعمله

ولا بس اسم السياره هاذي سيارتك ياعادل اخذها

وانا ادربي راسي مبسووووط مايجي يومين الا بايعينها

هين بكره اتوظف تاجر ولا امير واشتري سياره

المهم قلت انا عندي موضوع مهم يا اخواني بما ان الوالده حفظها الله هي موجوده معنا

على طول بنت ابوها ماصدقت قالت عساك تبي تعرس

قلت هذا والله البلشه يايمه اعرس من وين لا وظيفه ولا شهادتن سنعه

قالت انت شفت ولد حصيصه مامعه الا الثانويه واعرس قلت ابوه ما يكح الا بخمسميت ريال
ولا يعطس الا بألفين

احنا خواني يكحون بنص ريال ويعطسون بهلله

قالت يقطون لك عاد انا نشبت امي لقت على درب

حاجرتني في زاويه حشرتني
ياوليدي متى تقر عيني اشوف عيالك قلت بيني وبين نفسي ياجعلهم مايجون الا بيروحون نشبتن عليكم
لا عاد انا ناشبن لكم كني لزقت عنزروت واذا جو عيالي بيطلعون قرود مثل قرود الهدا
قلت ياميمه يا مامه ياحبيبتي خلي هالثنين اللي قدامي يتزوجون وبعدين يحلها الف حلال

باقي معمر وعبدالله

قالت ملحوق عليهم تزوجو بوقت واحد

قلت قاطين في حرمه وحده

حرمتي ابيها في قاعه لحالها

وهم يفارقوني بحريمهم قلعتهم

المهم شفتهم قامو علي انت تزوج واركد ذبحتك الدوجــــه والله العالم انك ساحب على الجامعه تروح تدشر مع دشيرك
وسالفت ان جايك مرض وتكره الجامعه والله انهم فاصلينك وذابين ملفك في وجهك

وجاي تكذب علينا تقول انا كرهتها واحس بمرض وفيني وفيني

تتفأل على نفسك عشانهم فاصلينك وانت لقيتها حلا تبي تفل حجاجك مع الدشير

دشيرك هذولي

ابد ماقالو دشيرك الا هجوومي يتصل حسبي الله عليه


قال اخوي اقطع يدي اذا هذا مهوب من الصيع خوياك وبتطلعون

قلت لا حرام هذا اجودي ابوه مطوع امام مسجد

ارقع له وهو مايستاهل

قال اخوي النغمه هاذي وش نغمته وليه كذا


عاد انا حاط نغمةهجومي (( لاني محشش ولا سكرآآآآن لكن مكثر من الشيشه))

على لحن اغنية محمد عبده ((ترحب بي وانا الشفقااااااااان وانت عيوني معنيها))

قال اخوي وش هالنغمه الغير اخلاقيه قلت اعــــــــــــــقـــــــــب images9 ولا تغلط

مافيه احتراام ولا هميتني تغلط على خويي ادوس خشتك بالقاع

لو الرجال موجود ماقلت كذا يالخرووف

المهم صكني بفنجال القهوه على جبهتي قلت هين اذا مابنشرت كفر سيارتك ماني بعويدل
قام يترجاني اعرفه قعيطي ما ياخذ لموزين

وقلت له وسيارتك اللي انت معطنيهاا بدس مفتاحها

والسواق باخذه معي يوديني قبل لا تداوم بربع ساعه

هو يحسبني جاااااااااد << مب جاد نخله ولا جاد شويري اللي في قناة مولدي هست

يحسبني صادق في كلامي قام يترجاني والله اللي تامر فيه ياعادل بيجيك

انا قام ابليس يلعب في مخي يطقطق دخل موقع الزين وفتحت الرسائل الوارده وقرا رسالت هجومي يوم يقول بنغير اثاث الاستراحه مروح قدييييييييم


قلت ابي مبلغ وقدره كذا بشتري اثاث لأستراحتنا

قال ادبر لك والله الحين ماعندي شي بدبر لك

سكت انا وقامو يفاتحوني بموضوع الاصدقاء الاوفياء هجومي وكاتم

وش تبي فيهم ماوراهم الا الضياع صدقني وانا اخوك واللي يقول اطع شوري وانا اخوك
واللي يقول خذها نصيحه من مجرب واليل يقول انت خلك معهم واسحب نفسك على خفيف
يعني كل واحد جاني من صوب فجرو رااسي طلعو في راسي نخل

قلت اسمعو يا اخواني

انتم اخواني على عيني وراسي

وهذيلا اعز اعز اصدقائي انا وياهم مثل خوت تيمون وبمبا مانفترق من غير شر

قالو فكر في مستقبلك قلت مستقبلي بالحفظ والصووون

وارجع لجامعتك اترك عنك المعهد والخرابيط قلت انا بصير مدير عام المملكه والفيصله بدخل في المعهد اداره مكتبيه





قالو انت علمي ما تقدر تدخل اداره قلت الواسطه مسنوده



فاااااااااصل :::::::::

يالربع اشم ريحت مطر

برررررررررب برووح اتأكد

لا بس سحاب الله يرزقنا
:::::::::::::::::::::::::::::::::::

المهم مالكم بالطويله

فكرت في كلامهم كيف اقطع العلاقه مع هجومي وكاتم وقصيمي وحطوم والشله

تذكرت اول يوم قابلت هجومي فيه

تذكرت يوم يقولي عطه خير ماكنت اعرف الكلمه ذي

وتذكرت يوم يعرفني على كاتم

وتذكرت اول بيعه لنا كانت تحت برج المملكه عند مواقف السيارات

نزلت مني دمعه حااااااارقه لخدي im6
قلت بصوت خاافت يدل على الحزن
قلت يا اخواني انتم تبون سعادتي

قالو ايوه

قلت خلوني مع اصدقائي وادقها هاشميه
قالو خلاص خلاص قطعت قلوبهم

اخوهم الصغير يطلبهم يخلونه مع اصدقائه :35ar:
قالو بس بشرط قلت لو اوقع عقد ولو تبون شيكات بدون رصيد :18ar:

اهم شي ما اخسر اصدقائي << يدل على وفائه لاصدقائه الملحس Confused33

قالو الشرط تترك عنك السعسعه والدوجه وتجلس في البيت وتعزمهم عندك ومره تروح عندهم في البيت :43ar:

عاد هم يتكلمون قالو كلام كثير انا افكر في الشله قلت تخيلو لو جبتهم لبيتنا كيف اشكالهم
متوحشين مايعرفون يجلسون في بيتنا خصوصا ً ماعمرنا قلطنا في بيوت بعض
اللي تجمعنا الاستراحــــه :34ar:

وبيني وبينكم انا ما احب الحشررررررررررررر

السعه لابارك الله في الضيق السعه

قلت اسمعو انا بقول لهم اذا قدرو يجون عندنا بالبيت حياهم الله
بس اعرفهم يستحون هم خلوقين وحبوبين واذا شافوكم كنكم عصابة المافيا

عزالله ليكرشوني ولا يدقون على بس اذا قالو تجي لمنا بالبيت بروح لهم وبحاول اقنعهم لو يوم يسيرون علينا

بس انا جاي اقول لكم القصه

عشان هجومي نواف وقصيمي وكاتم

قصيمي مدري عنه

لكن نواف وهجومي اقص يدي اعرفهم
بقولكم يا عيال اذا بتمروني للبيت الا اشم معكم الا ريحت العود ولا على الاقل اشترو عطر من ابو خمسه اللي في النسيم
تحطيم الاسعار مدري اقل الاسعار
او ان اسمه دبي اقل الاسعارالمهم لوحته صفراااء
في اسواق حجاب << دعايه للمحل هههههههههه

اشترو عطر وتكشخو وخلوكم مرتبين واذا تكلمتو ترا خواني يحبون اللي يذكر الله

في كل هرجه يذكر الله حتي اذا ضحك

وانتبهو من تركي تركي اخوي ملكع هو نايف مقطعين اربع

بيختبرونكم مثل يوم سوو الحركه مع واحد من الشبااب معنا بالمنتدى
قابلونا في ستار بوكس اللي بطريق الملك عبد الله
قالو وش عندكم هاه
قال خويي نغازل
مهبول جاب العيد فينا
قلت وش نغازل يكذب عليكم الا ننتظر واحد من الشبااب جايب قورارير من البحرين

عاد يوم قلت كذا
خواني يعرفون اني خريش خوااف لو جابو لي نص حبه ((كبتاجون )) اغمى علي والله العالم يمكن امووت من الخووف


قامو يضحكون مع الايام استدرجو خويي الخبل
قال لهم عن سوالفنا من يوم ما تلاقيت معه في ملاهي البعيجان
ومن يوم عرفته على الشله في الممشى حق الحوامل اللي بطريق الملك عبدالله حفظه الله

جوني للبيت وكفخوني تكفيخ وعقلوني في الثريا تقول جاي معاها مجانا ً

بعدها كرشته ولا طق وجهي بوجهه



THE..AND

بختصر قصتي في نقاط

النقطه الاولى

لازم تشوفون سبيس تون وخصوصا ً اللي اسمها (( عهد الاصدقاء))
وتشوفون انا واخي لا يفوتكم0

النقطه الثانيه


الصديق وقت الضيق قالها راعي الضيق
انا يوم حشروني خواني تذكرت اصدقائي ووفيت لهم << امحق الا قطعتهم بالحش

النقطه الثانيه

وهي في غاية الاهميه
اذا عندك متوحشن مثل اللي عندي بالبيت بعطيك طرق اتبعها ونفذها بالحرف الواحد
الطريقه الاولى
اذا قالو لك شي قل تامرون << هذي لها فائده في المستقبل ياثقون فيك

الطريقه الثانيه
اذا تعرفت على صديق جديد رح لهم قل تعرفون فلان ولد فلان
هذي اسويها انا فيهم بيقولون ليش قل انا معرف عنه شي وبحكم انكم خواني فاهمين
شوفو هو ولد صالح ولا ولد عبدالله هههههههه
لا اتسذب قل شوفو ليكون راعي خراب وبلاوي وانا رجالن نظيف حتى تكبر في عينهم

الطريقه الثالثه

اذا صرت طفرآن هذي اكتشفتها جديد
لا تقول لكل واحد اجمعهم كلهم وقل لهم صدقين كل واحد يبي يشوف نفسه ويعطيك دراهم ماتدري الا الدراهم تنهال عليك ذات اليمين وذات الشمال
كل واحد بسيوي فيها راعي خير

الطريقه الرابعه والاخيره

الصلاه لا تخليها وقل لهم صلو صلو لو انك ماتغط خشمك في القاع بس اهم شي يشوفونك تأمرهم بالصلاه

النقطه الرابعه

خل عندك روح رياضيه اذا فاتحوك بموضوع لا تسكت ولا تحاول تغير الموضوع واجههم بسلاحك <<افلام كرتون يبو
واجهم باليل عندك من كلام
قل انا انسان معى نفسي قبل اكون معاك انسان
لي مبدا ولي نظره وتحكمني قناعاتي
شي مقتنع فيه سوه ولا يهمك احــــــــــد
000000000000000000000000000000000000




اسف على الاطالــــــــــه
وانتم عارفيني وعارفين مصالتي
وخصوصاً اني منقطع هاليومين ماي جيني الا بعد طلعت اروح
يعني نص كمخه على الله انها تخليني لين بكره
خلوني
اسلي نفسي والدنيا تسلي نفسها فيني
اجاري البياع لو عاند لوه مايجاريني
تعلمت اسامح محشش ولا اخضع للبياع
ولا اسرق ولاا اكذب ولاهو معنيني
اسلي نفسي بالدنيا والدنيا تسلي نفسها فيني


بروح اتغدى عن اذنكم الساعه وحده وسبعه وعشرين images8

[سحــــايب شــــوق]

المهم صكني بفنجال القهوه على جبهتي >>>>أحســــــــــــــــــــــــــــــن


الله يرجك

هههههههههههههههههههههههههههههههههه

[al-maha]

من جد الله يرجـــك

[乂► ~ هــِـجـوميْ ~ ◄乂]

خجول

عندما قرأت لك احسست بحالة من الغثيان وهبوط في الدم وحالة صداع لازمتني طويلا واصبحت احرق من بكت الدخان سيجارة خلف سيجارة لعلي استوعب ما أقرأه من حالة مصتعصية.. يعيشها هذا الجيل من نكران للذات وتحقير البشرية فأذني لم تعد تسمع... وعيني لم تعد ترى... وفمي لم يعد يتكلم... وانفي لم يعد يشم ما حولي من خياس....:8ar:

خجول

حالتك اشبها بحالة مرضيه صعب حلها وهي فقدان الفكرة والخيال

بحيث انها تفتقد الا الكثير من الكذب والنفاق والنصب والاحتيال...

فألقارئ لهذا النموذج من القصص يوقن تمام الايقان بأن ما كتبه هذا الكاتب انما هو من فعل الواقع فأنت اوردت امور تجعل الحقيقه واردة على المخ فيتقبلها العقل...

وكل ما يتقبله العقل ليس مضحك للاسف...:39ar:

خجول

انت تعيش حالة صراع مع نفسك في كتابة القصة فأنت للاسف لا تعرف ان تكذب وكل ما تقوله قد يكون حدث لك بالفعل....:8ar:

فأرجوا منك يا صاحبي ان تبتعد عن قول الصدق فهو يعرضك

احيانا لمواقف باييييييخه....:8ar:
8
8
( مقتبس من مسرحية عادل امام )....

بعدين ترا الجو مغيم فلـــه

فله ولا شقق

هذي الجمله عندما اقرأها في القصة ادري ان صاحب الموضوع ما عنده سالفه :8ar:


يعني انا مدري هل لهذه الدرجه وصل بنا الخلو الفكري من تقمص الشخصيات بغض النظر عن حسبت الطرف الاخر وسد ما هو رعين به من اجل ابتعاث قلب نابض بأسماء

القصه تدلو من قفصا لقفص... وهي لا لها ولا عليها



( يا شيخ اقتلني ان كانك فهمت شي )..:8ar:



خجول

نصيحه اخيره اقدمها لك
اذا لم تستطيع ان تكذب وتتخيل.... فلا تكتب

.............



خجول

أمزح معك...يابعدي

والله هذا أول موضوع اعجبني لك :16ar:

[الأمـــاكن]

هههههههههههههههههههههههههه

والله جبت العيد في هجومي وكاتم

طاحوا من عيني :38ar:

بس تصدق موضوع حلو اول موضوع اقراهـ تمام بالصرقعه:38ar: