×× الدقيقـه كنهــا تسعيــن يـوم ××
السلام عليكم ورحمة الله وبركاته
مسا الخيــر ..،
هذي بنت قبل 15 سنه
مات أبوها وأمها وأخوانها الصغار
في حادث سياره
ولا بقى لها أحد
وأخذها عمها يربيها
عمها كان يذلها الليل والنهار
وأخر شي زوجها شايب
×××
أه وا ويلاه من عم(ن) ظلوم
بعد ما أبويه رقد تحت التراب
القمر لاغاب ماتفيد النجوم
وا عسى بيت(ن) عقب عمره خراب
كيف أبهجع وأهتني في حل نوم
وأمسح دموع(ن) مثل طش السحاب
بعد ماحكمي على أسرتنا عموم
صرت أنا بعيونهم مثل الذباب
أرتدي للمدرسه برد الهدوم
وبنت عمي ترتدي أغلى الثياب
إن طلبته حاجت(ن) فيها لزوم
صد عني دون يعطيني جواب
طال همي وأغتيابي واللجوم
أه يا دنيا التعاسه والعذاب
مرحباً ياقبر في كف رحوم
وا عسى يجزاه ربي بالثواب
ليت من قبره ولو ساعه يقوم
ويشهد اللي صابني بعز الشباب
فوق ماعندي من أحزان وهموم
زوجوني شايب(ن) غدر الثياب
الدقيقه كنها تسعين يوم
ليتني أرقد معها تحت التراب
×××
كلماتها موجعه بقدر الصدق اللي ينبع فيها ../
أختكم
سمآ
رد مع اقتباس
مواقع النشر (المفضلة)