][للحين ماحن قلبك يامخاصمني][
[mark=999999](للحين)[/mark]
للحين ما حن قلبك يا مخاصمني
ثلاث ايام ما كلمتني فيها
معقول ما جا على بالك تكلمني
ولا انت زعلان من جدك وناويها
اكذب اذا قلت عادي لا تكلمني
صوتك ترا عندي بالدنيا وما فيها
و اكابر ان قلت مو اسف لا يعذرني
بالعكس اسف انا ما عاد اسويها
ليلحين ما حن قلبك يا مخاصمني
ثلاث ايام ما كلمتني فيها
في غيبتك دمعة عيوني بتفضحني
كل ما سألوني عليك العبر اخفيها
الناس تزعل وترضى وانت هاجرني
لا تكون قاسي خلاص ارجوك عديها
\\
[mark=999999](اتركني)[/mark]
خلك مثل ما انت بعيد ما ابي انا جرح جديد
مابي اكون بنظرتك دمعة حزن
مابي اكون بديتك شك وظنون
مابي اكون وياك مابي اكون ..
ما عدت انا ذاك الملاك اللي تصورته معاك
اللي مشا يتبع خطاك و اللي تغنى في هواك
بس للأسف حلمي انتهــــــى ..
نسيتني بلحظه وانا احلم بساعات الهنى
احلم اعيش بعالمك اللي تصورته وفا
بيدك وجرحك لي بقى والله بقى ..
واتركــني ..
\\
[mark=CCCCCC](تعتذر)[/mark]
لا تجيني تعتذر
ما يقبل الخاطر خلاص الوقت مر
حبك بقلبي اندثر
لا تحسبه باقي واخذ مني العبر
وفر كلامك واختصر
ولا تجيني تعتذر
ابعد وروح لا تنتظر
خلاص يا مغرم حلوك صار مر
روح عيش حياتك و انت حر
ماتسمح احلامي معاك اني استمر
طبعي انا غير البشر
وان كان ماعندك
خبر وماتدري ايش صاير
فخذ مني الخـبــر
القلب غض عنك النظر
بلملم اوراقي وبنوي عالسفر
عالبال طيفك ما خطر ..
ولا تجيني تعتذر
\\
[mark=000000](كلمه احبك)[/mark]
من جاب سيرة للهوى ..
من جاب طاري للغرام
كل اللي يجمعنا سوى
حديث عابر و السلام
كلمة انا احبك اكيد
معلومه سامعها غلط
ماعمـري حبيتك انا
معقوله اطيح بهالغلط
من قال انا اشتاق لك
ولا في يوم احتاج لك
هذا اللي في بالك وهم
اخر محطاته ندم
هواك ما حسيت فيه
طول العمر لا ما ابيه
ارجوك بس خلني وروح
يكفيني الام وجروح
\\
[mark=999999](يا فراقها)[/mark]
يا فراقها .. توني شعرت بقسوتك في داخلي
يا فراقها .. توني احس اني بديت احن لأيام مضت واشتاقها
بديت احن لشوفها واشراقها واشواقها
رغم انها اللي روحت وبكل عـمري طوحت
حتى بكف فراقها ما ودعتني ولوحت
يا فراقها ..
في ليله جرح الحنين والجرح في قلبي حزين
مرتني الذكرى و انا احصي تجاعيد السنين
مرتني سألني بألم منهو اللي فينا انظلم
منهو قسى منهو نسى ومنهو من الثاني انحرم
يا ذكرى ليتك تسإلين هالأسإله لإحساسها
وشلون باعتني وانا اول واخر ناسها
يا بعدها .. من لي انا من بعدها يا بعدها
يا بعدها .. وش تسوى كسرت خاطري وعبرة جروحي عندها
يا بعدها .. انا خلاص ما عاد فيني للحكي
كثر اللي من قبل انحكى
يا بعدها .. انا تعبت .. تعبت تعبت ماعاد فيني للبكا
وما ظل في قلبي غصن ما ذاب من كثر الحزن
ما هز قلبي و اشتكى ..
\\
[mark=CCCCCC](محتاجك)[/mark]
الحين محتاجك الحين مو باكر
يا اطيب الناس في طبعك و في ذاتك
اتذكرك و احترق وهذا انا ناطر
خلك من الحب محتاج لوقفاتك
الحين مو باكر ..
من يوم سافرت وكل شي بعدك مسافر
ماعاد باقي معاي إلا معاناتك
عيا الزمن يبتسم وانا اكسر الخاطر
اشرب ملامحك واتنفس بآهاتك
فراغ عـمري وضيقه مالها اخر
لو ما اشوفك معاي اموت وحياتك
لا تقولي انتظر خلاص مو قادر
انا احترق الف مره في متاهاتك
\\
م/ن
المشاركة الأصلية كتبت بواسطة ღ آلـ ع ـذوٍب ღ
مواقع النشر (المفضلة)