السلام عليكم ورحمة الله وبركاته
اخباركم غيومكم امطاركم
والله مافي الا العج والغبار
المهم ماعلينا انا منذو مبطي مانزلت موضوع في ذا
موضوعي عن واقع مرير وانتشر بشكل ملحوظ
طبعا انا ماراح اتكلم على تجارب غيري
راح اتكلم عن اشياء مريت انا فيها
واتمنى الاقي الحل او الرد الشافي من عندكم
أريد حلا !!!
ياجماعه انا صرت استغرب من اعجاب الجنس اللطيف بين بعضهم لدرجه غريبه
انا بذكر بعض الامور اللي صرت اشوفها واتعرض لها
الموقف الاول
قبل سنتين كنت أدرس دوره تجميليه مدتها ثلاثه شهور
في خلال هالفتره غبت اسبوع بسبب ظروف رجعت
وكل البنات استقبلوني بحاوه لاني مدربتهم
وحدهـ كنت قبل اغيب ملاحظه دايم تبتسم لي اوكِ
شي طبيعي الابتسامه في وجهه اخيك صدقه
عاد يوم رجعت بعد ماغبت اسبوع سلمو علي بشكل طبيعي
الا وحده حضنتني وبدل ماتبوسني ع الخد باستني تحت الاذن
انا استغربت وشمئزيت وعديت هالموقف وصرت كل ما اوقف اشرح الدرس
وتطيح عيني على عينها الاقيها تبتسم وتلعب لي بحواجبها وعيونها تغمز يعني
انتهت الدوره التدريبيه وطبعا هي خذت رقمي كلمتها كذا مرهـ
وكانت تدز لي مسجات دايم نهايتها ياحياتي ياقلبي وووووو الخ
بس الشهاده لله ماتعدى الوضع اكثر من كذا
خلاص انا بطلت اتصل وهي بعد انقطعت وارتحت وانتهى خلاص 0
الموقف الثاني
وحده صديقة صديقتي ما عرفها مجرد سلام وعليكم السلام وسوالف عاديه
لان مابيني وبينه علاقه بس كل مانجلس تجلس تقولي انتي وانتي وانتي كلام غزل
ولما اكون بعيده وتطيح عيني على عينها نفس الوضع تلعب لي بحواجبها وعيونها
الظاهر موضه اللغمز والحواجب صارت عند البنات
طبعا هذا الي حصل مع ذي بس ليش اللغمز والمدح ومدري وش
بس هذا اللي حصل 0
الموقف الثالث
مره كنت معزومه في بيت وكانت عزيمه كبيره
انتهت العزيمه وانا خلاص ابي امشي سلمت ع الموجودين مع السلامه
ياجماعه لان مايمدي امر عليهم وش كثرهم
وحدهـ اعرفها معرفه سطحيه وقفت وسلمت وباستني على فمي بوسط ذهولي
وذهول الموجودين
انا انخرست ماقدرت اقول شي انحرجت وطلعت 0
الموقف الرابع
واللي مازلت اعاني منه وحده كانت عندي طالبهه في دوره تجميليه
خذت رقمي بس علاقتي فيها سطحيه بس تقوت علاقتنا بالزيارات
والعزايم الاشهر الاخيره الماضيه كل ما اروح عندهم او تجي عندي
تجلس لاصقه فيني وتمسك يدي بيدينها الثتين وانا اسولف اشوفها مسبله لي بعيونها وتبتسم
انا انحرج وربي وجهي يصير الوان الطيف ودايم كلمتها لي ياقلبي ياعمري ياحياتي
ومن هالكلام اللي مدري وش يبي
بس الشهاده لله ما ابي اظلم احد
انا مستغربه شلون اتعامل مع هالفئه
ابي تعطوني حل او راي
يمكن الموضوع يكون فيه جرئه
بس وربي احترت وطفشت
وش هالناس وش هالبشر شلون الدنيا صارت كذا
انا ماحب اصنفهم بتصنيف اظلمهم فيه
قلت خل انزل الموضوع يمكن فيه دكتور او حد يدرس علم نفس او علم اجتماع
الحين ابي اعرف
هالنوعيه من البنات
هل يعانون من نقص حنان
او عندهم انفصام بالشخصيه
او او مدري ابي اجابه منكم
واتمنى اللي يدخل يرد بالمعقول من غير استخفاف بالموضوع
وياخذ الموضوع على محمل الجد
وآسفه على الاطاله
والله يحفظ ويستر على الجميع 0
مواقع النشر (المفضلة)