يا صابره جيتك مع الوقت صابر
على الزمان و مر طعم الظليمه
اما مشينا الدرب لو كان غابر
الا قعدنا و اقتسمنا الهزيمه
هاتي يدينك .. يقطع الله دابر
حُر يجنب ضربتك عن صميمه
فالوقت انا عارف و داري و خابر
هذي عوايدها و هذي حليمه
لو ننكسر نلقى مع الوقت جابر
الموت كسرك يا القلوب الحشيمه
جيتك حزين ضلوع صدري مقابر
دفنت فيها كل قصه قديمه
لو كان دمعي حبرعيني محابر
يا حبر مالك بين الاوراق قيمه
أبكي و أخفي دمع عيني و أكابر
و أضحك و أقول ان الليالي كريمه
مانيب شاعر جيت أهز المنابر
انا اليتيم و دمعته يا يتيمه
أما تجين و تسفهل الصوابر
و الا رسمتك بين غيمه و غيمه
تذكريني زين مريت عابر
حلمي عظيم و ذكرياتي عظيمه
جيتك و انا صابر و سافرت صابر
صنت الامانه و أنتصرت بهزيمه !!
مواقع النشر (المفضلة)