حامد زيد السفينه
قصيــــــــــــــــدة (( الســفــيــنــــــــــه ))
ضاقت اوساع الفيافي والوعد متن السفينه 0000 للطريق الي دعاني بعد امان الله وامانه
لا تناديني وصوني قلبك الله لا يهينه 0000 لا يراهن في رجوعي لجل مايخسر رهانه
ليه مرحل عن غرامك بعد ما ذقت الغبينه 0000 اذكريلي شيء واحد يستحق اقعد عشانه
قلب ما حن لوصالي ماني بحاجة حنينه 0000 واشهد انه ما يعزر بالرفيع الا هوانه
الهوى الغدار حد الله ما بيني وبينه 0000 والرجل لا خير فيه ان ما حفظ قدره وصانه
واحداً مثلي اليا من حدته عوجى سنينه 0000 ما شكى لقرب بن ادم لو هو اغلى من اخوانه
يوم قلبي ما عصاك وما قدرتي تذبحينه 0000 ليه خنتي فيه وانتي معه من نفس الديانه
كان ذبحك بيدي ارحملي من اللي تفعلينه 0000 ون طلبتك تذبحيني ما ذبحتيني لاعانه
كل جرح من جروحي تذكرينه تنكرينه 0000 كن مالك في نزيفه يد خانت بالامانه
ينزف الخافق تواضع لين لطختي جبينه 0000 ولا انا ماكنت ابيها تاصل لحد الخيانه
قلت من باب الميانه صاحبك وتعذبينه 0000 اعنبوك ارخي معاي شوي ما صارت ميانه
طعت عقلك يوم قيل ان العقل بالبنت زينه 0000 لكن الشرهه علي اللي كنت احسبك تكانه
من بعد ما كنتي انتي في حشاي اغلى سجينه 0000 بوعدك بطلق صراحك واتهمني بالادانه
وين رايح ؟ لي درب ما يرجع للمدينه 0000 ليه رايح ؟ لن قلبك ما ترك قلبي وشانه
كيف ابنسى ؟ ربي اللي ملهم القلب السكينه 0000 مثل ما عانه بقربك لانوا فرقاك عانه
كان قاسي يجرح اطراف السكاكين السنينه 0000 ما يطيح وبنت مثلك حبها هزة كيانه
ولا انا خابر خفوقي ما يمد الا الثمينه 0000 وان بغى يغيض الثريا قعد القمرى وزانه
مزعلن لجلك هنوف رجة اعقولاً رزينه 0000 ون تهادت بالطريق الجرهدي تزهر جنانه
جادلن كن الجمال قبالها كتف يدينه 0000 والقمر لو شاورتله ينزح وتقعد مكانه
كانت اول من تحكم في فروع الياسمينه 0000 ون تعدتهن تفنن خيزرانه خيزرانه
بعتها لجلك وصارت لصغر اطرافك رهينه 0000 ولا هي لفتت هدبها تغمرك ثقل ورزانه
والخفوق اللي تغذى من معزة والدينه 0000 مشكلته انه تعلق في زمن ماهو زمانه
كل ما زادت جراحه واكتشف غلطة ضنينه 0000 صدقيه ان قال مابه شخص يستاهل حنانه
يوم نادي يا فلانه ما رضيتي تسمعينه 0000 لين صوت يا فلانه يا فلانه يافلانه
كنت اشوفك زعفرانه تقرض الورد وتدينه 0000 يمكن اني ما قطفتك بس اشوفك زعفرانه
كنت اهاب البعد عنك واطلبك لا تذكرينه 0000 كان خوف من الفراق وخطوة الفرقى جبانه
مقتنعت ان الخيانه لرجل تلوي يمينه 0000 لين ما ربي بعثك وذقت من طعم الخيانه
اسمحيلي ما بقى فيني مكانٍ تطعنينه 0000 واقبلي من جوف قلبي كل عطفه وامتنانه
والله الله في عذابك بتركك عينك في عينه 0000 دلالليه ولا يرده عن شقاك الا لسانه
ولا انا قررت اسافر ومتطي ظهر السفينه 0000 لن ما به شيء واحد يستحق اقعد عشانه
رد مع اقتباس
مواقع النشر (المفضلة)