يوم اني على نيه احسب الناس انا مثلي
لقيت قلبهم حاقد يدور لي على الزله

رمتني طيبتي بالغدر و بطيبتي انا مبلي
اداري ضحكه اعدائي واشيل من العنا كله

وادور للخوي عذر واماشيهم مثل ظلي
واعطيهم وفاء وخلاص مايلقونه بمله

اسايسهم على كيفي ترى ماهو من هبلي
واعطيهم ضحكه سنوني وقلبي مابرد غله

يحسبوني انا مسكين مايدرون انا وش لي
اخفي داخل اعماقي كم مليون من عله

كوتني طعنتي بالظهر من اللي احسبه انا خلي
يرمي بدربي اشواك يقول لي زهر وفله

يقول لي فدوتك عيني من الاحقاد يدفن لي
يظهر ضحكة صفراء يبي يبرد بها غله

يصب لي قهوه مره بالفنجال يقدم لي
يدس السم في ماها يدس السم بالدله

اجل وين العرب راحوا طبايعهم توقد لي
اجل ماتت عوايدهم ياهوه اصحوا من الغفله

انا راسي شمخ وعزه من اللي يدور ذلي
انا كلي شموخ وعز وراسي ينعرف اصله

ترى فرقاكم مقدور واقول يانجمتي علي
نجومك ياسماء بعيده ولمس الشمس مو سهله

حياتي ارفعي راسك وخلي حزنك يولي
ترى اصعب من مناهم ويكفي منك الطله

ترى اللي مصبرني حبيبي يابعد كلي
وربي ماترك عيونك لو الناس توقف له