وصف البنات عند الاولين
السلام عليكم شباب وبنات
بقولكم سالفه حافظها من اكثر من ثلاثتعش سنه من كان عمري تسع سنين تقريبا
جلست مع الوالد في مجلس كله شياب وكان معانا واحد بيتزوج هذيك الايام فقاله واحد من الشيبان الي كانوا بالمجلس(( يامحمد بنصحك نصيحة تشتريها بناقة))
قلنا له تفضل وقال:(( اذا بغيت تزوج بنصحك بسن الحرمه الي تاخذها وانت عقلك براسك وتعرف تختار))
وصف الحريم وصف حلو وهام للشباب وقال(( ام اربعتعش عشر نبات وأربع ثبات؛_ يعني عشر سنين لحد ماتكبر ويكتمل نمو جسمها واربع سنين يثبت جسمها فيهن وتبلغ وتصير أنثى_؛ وام عشرين منوة الشابين_يقصد بأن كل شاب يتمنى هذا العمر_؛وأم ثلاثين لك وللجنين_يقصد انها ستقوم بحق الزوجه وحق امومة اطفالها_؛وأم اربعين لحم ولين_ يعني صارت كثيرة لحم وصار لحمها لين دليل على تقدمها في السن_؛وأم خمسين كحة وونين لا لك ولا للشياطين_ يقصد ان كلها امراض وماتنفع زوجة لا للبشر او للجن_.
أعجبتني هالسالفه وحبيت اقولها لكم مع اعتذاري الشديد لكل البنات لكن انا نقلت رأي الأولين في النساء الصالحات للزواج، أكرر اعتذاري للبنات ولاتزعلون مني ترى مالي دخل.
تحياتي للجميع
مواقع النشر (المفضلة)