بنات الجامعه وقــ ع ـــــدة الــ ص ـــباااااااح
مراحب بنات
أهلين ديما
هلا منار كيفكم وين البقية شلة الأُنس!!
ياحليلك..قصدك رغد والعنود!!
أيه..راحو لبقالة الجامعة ..يقولون اليوم بتجي رنــا صديقتهم في الثانوي..
أي ياهلا وسهلاً عز الله أنهم فاضيــات
ديما مستوى سادس تخصص لغة عربية بنت عصبية وعنيدة لآخر درجة ,وما تفكر ألا بالمحاضرة والدراسة. .جميلة جداً وتحب تطلع بأكمل صورة,وكل البنات يغاروون منها..ياحلو الروج الأحمر عليك يا ديما ..ماتحب الحكي الواجد ..آخر العنقود متفائلة وكل حكيها عن أهلها ..لبسها رايق ونظيفة بس الله يهدينا علّة شوي ..وما كل شيء يمشي عليها
رغد مستوى رابع تخصص تاريخ بنت ماهمها ألا الضحك وسعة الصدر , ماحد ماتعرفه في الجامعة والغياب يصيح منها .. بنت ناس عاديين جداً ويمكن من الطبقة الشبه معدمة وكل همّها العرس ..مرتبة بس مو نظيفة مرة ولسانها ياليتك ماتطيحين فيه أم النفاق الله يهديها
منار مستوى سادس انجليزي بنت مرة كوول ورايقة ودلوعة ..ماتجي ألا وتعرفها من ريحة عطرها..تحب المحاضرات وتحب أكثر شيء التعرف على البنات والكلام عن الماركات ..بنت طبقة ميسورة الحال ومدلعة مرة..وغرامها الترزز عند الدكتورات ..
العنود مستوى رابع تخصص رياض أطفال ..بنت ناعمة مرة وحكيها زي البلسم ..تحب الضحك والفرفشة وماتداني النكد وحركات النص كم ..كل حياتها الصور والنت ..من طبقة مخملية لكن أخلاقها في يديها ..
رنا مستوى ثالث والمفروض متخرجة تخصص مكتبات عقلها فارغ وانسانه مرة تافهة..كل حكيها عن الزواجات وكيف الوحدة تصيد لها معرس..والبنات مرة مبسوطين على حكيها ..طبقة عادية جداً
ومو سآءله في أحد مطنشة وتحب تغث بالحكي ..
اهلين وأخيراً لقيتكم
ليه ياديما وش فيك!!
لا بس ساعات البريك مرة قليلة ومن زمان ما جلست معكم ..
العنود ياشينك ياديمة فكري لو مرة تتغيبين عن محاضرتك ولا بتطيح السماء..
ضحكت ديمة وقالت لاوالله ماطقيت مشوار من البيت للجامعة عشان أغيب!!
تجيني حالة وسوسة ..أن الدكتورة بتشوفني
برآحتك يالدافورة..
اجتمعت الشلة ..وكان الحديث ياما يشد وياما يرخي ..
العنود وش رايكم يابنات في حفلةنانسي أمس !؟
ديمة يوه تهبل متخيلة أنها توها والدة!!
رنا يوه يابنات يامصلكن ..خلي أسولف لكم وش شفت أمس!!
تخيلوا أمس كنت بزواج الجازي بنت خالي يوه يالمعرس يجنن يقط الطير من السماء..
ذيك المرة شافوني وخطبوني من أمي قالوا وش هالقمر..واستحيت
ديما(أما القمر كثري منها) في نفسها طبعاً لانها ماتحب تدخل بمتاهات مع رنا
أي يابنات أكمل لكم ..يحسبوني في الثانوي ويوم درت أمه أن عمري 25 اختفت تعابير الفرح
وبس بغت تنسحب وماعرفت
البنات طبعاً ماتوا ضحك
وبعدين يا رنا وش صار
أبــد قلت هذا حظي أنخطب من عمري 13 وللحين ماصار نصيب
منار يابنت الحلال على وشو مستعجلة هذي ملك بنت عمي تزوجت وعمرها 30 وآخر بسطة ولا بنت خالي فهد منيرة متزوجة وعمرها 18 وهذيها متعسرة حياتها وماغير شيل وحط هي والرجال!!
العنود يا حبي لكم يابنات بصراحة أنا ودي لو اتزوج أتزوج عن حب..وش هالتخلف !!أتزوج واحد لا أعرفه ولا يعرفني..
هذي ماما وبابا متزوجين عن حب لمّا شافها تدرس مع جدي ببريطانيا..
رغد أما عن حب ياعنود أيه عشانك وآآآو ولا اللي زينا خلي الطابق مستور
ديما يابنات الزواج قناعة ماهو فرض وبعدين عمر السعادة ماارتبطت برجــل ..صدق فطرة الله أن المرأة تبي رجال يحتويها ويداريها ويشوف خاطرها وتكون التوب بحياته..بس بعد لو بلاك ربي برجال كل حكيه عن أهله ولا يودي ويجيب أخواته حتى مشاركينك بأبسط حقوقك روحتك لمطعم ولاكافيه ..
ردّت العنود أي والله صدقتِ ياديما الواحد ما يحرص..خصوصاً بهالزمن على الزواج ولا يكره ..اللي كاتبه ربك بتاخذه..غيره لاتسوي حالك فاهم..
رنا يوووووه يابنات حسستوني أن الرجال وحش كاسر..هالدنيا وش نبي منها ألا الزواج وسعة الصدر ولا هذيني كرفت وشيب راسي ولانلت من هالدراسة شيء..على الأقل تصير لك مملكة لحالك
ديما طيب أوكي ماقلنا شيء مملكة لحالك وملك يدلعك ..طيب
إذا كنت عايشة عند أهلي عيشة رفاهية أصحى مطبوخ لي الغداء وأتصبح بوجه أمي وأبوي..وحتى لارديت من الجامعة كيفك وش أخبارك!!
أي هم أزين ؟!
ولا رجال يكرفك ويعيشك عيشة هم وقرف عيشتك عنده ومملكة على قولتك ولا
أجلس عند أهلي أبرك لي..
رنا أوكي يا ديما أنا معاك بس لاتقيسين الكل على طبقتك اللي عايشة فيها بعض الناس تتمنى متى تتيسر أمر بنتها وتشوفها ببيت رجلها مبسوطة على حياتها..
ديما يمكن يكون كلامك مضبوط أنا ماأحكي ألا عن نفسي..وعن نفسي ما أفكر بالزواج أبد ولا أربطه بسعادتي..بكمل دراستي ومتى ماطق الباب طق..
العنود ومنار اتفقوا مع ديما
أمــا رغد ورنا مازالوا يعتبرون الزواج..عيشة السعداء..
والنقاش مازال يحتـــد
وش رأيكم بشخصية ديما / العنود /منار /رغد /رنا !!
ومن تأيدون..؟ وليه..؟
لكم المايك..!!
كل واحد يقول رايه وبصراااااااااحه
وهذا رايي؟؟<<<الله يينكم قلبت الراس وحالتي الانفصاااااااام لووووووووول
7
7
7
7
7
7
مدري صراحه أشوف ألزم ماعلي إني أدرس وأتخرج إن شاء الله
يالله بحول الله إني أتخرررررج بأقرب فرصه وبأقل الخساير قولي آآآمين
بس المشكلة والطامة الكبرى لاصار مجتمعك واللي حولك كلن أعرس ياساتر راحن مررره وحده ياحافظ كن الرجاجيل بيطيروووووون>>>اللي مايطول العنب
أحيان أقول لابعرس وشسمه وأعيش مع عريس الغفله أيام قميله ومتهنيّه واوسع صدري وانتم خابرين هع <=ياشين اللي يتابع أفلام واجد
وكثيرررر تشوفيني أقول أمبسبل والله لايقوله وبعيد الشر حسيت فيني إنفصام
وبصراحه ودي اعرس وقلبي يتقطع العرس بس ودي اقف ضد هالمجتمع وامسك الشهاده في اليمين والمرس في الشماااااااال واتمتع بشبابي
ومحتااااااااااااره>>>اقضبي ارضك ههههههههههههههههه
رد: بنات الجامعه وقــ ع ـــــدة الــ ص ـــباااااااح
>>>تمزح وقسم ..
..
رد: بنات الجامعه وقــ ع ـــــدة الــ ص ـــباااااااح
مواقع النشر (المفضلة)