[align=center]
السلام عليكم ورحمة الله وبركاته
تنويه
شكراً لمن ارسل لي رسائل خاصه عبر البريد
وعذراً عند عدم استطاعتي بالرد عليها
لعدم مطابقتي لشروط استخدام الرسائل الخاصه
----
في السابق اطلعت على قصيده شاعر يمدح بنات ديرته حايل
والممدوح يستحق المدح
وبلا قصور فيهم او في بنت الخليج عامة
حبيت امدح بنت ديرتي وعساا ابياتي تفيهم حقهم
[/align]
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بنت نجد الزين فيها والدلع مابه مثيله=الرزينه والجميله وافيه كل الخصايل
بنت نجد وكنها ورد القرنفل في خميله=وردةٍ ماهي ورود المزهريه في الخمايل
بنت نجد ليا مشت يطرق على ردفه جديله=كنه الليل ليا فلت فوق الامتان الجدايل
بنت نجد ليا حكت كن الشهد مدرج مسيله=والشفايف جمرتين وهمسها يشفي العلايل
بنت نجد عيونها حر على راس الطويله=عين حرٍ فوق رجمه ماحد للحر طايل
بنت نجد برمشها لاسلهمت والله قتيله=تذبح اللي شافها ماقلت انا عندي دلايل
بنت نجد وثوبها يخجل من الجسم ويشيله=يستحي كنه يقول اخشى على زين الدلايل
بنت نجد وطبعها يحكي لنا مليون ليله=كنه مألف كتاب لشهرزاد ام الجمايل
بنت نجد محشمه لا هي قصير ولا طويله=زين مع عفه وطهر وزود من نسل الحمايل
بنت نجد وحظ منهو صارت لشوفه حليله=اشهد انه اسعد العالم عسف زين الاصايل
بنت نجد احلى البنات بكل مافيها جميله=لو تدور في البلاد ولو تدور في القبايل
بنت نجد حروف شعري يوم اوصفها قليله=ماوفيت بحقها في الوصف مار ابدي الحصايل
بنت نجد وبنت نجد وبنت نجد انتي اصيله=قلتها يوم ان قلبي مع بنيت نجد مايل[/poem]
[align=center]
وسلامت قلوبكم
اخوكم
بدر بن تركي العتيبي ( وضح النقى )
[/align]
مواقع النشر (المفضلة)