المراجــــــــــــــــــــــــــــــــل
السلام عليكم ورحمه الله وبركاته
هذه قصيده اعجبتني و إن شاء الله تعجبكم
من أهم المراجل والمراجل تبي رجال
قوي لها ما كسر الشيب فاعوسه
مع حسن خلق وقو عزم وسماحة بال
وكسب المراجل كيف راسه وناموسه
كبرنا وقد حن نطلب الله بستر الحال
على ما فضل من باقي العمر ورموسه
مضى دورنا واليوم جاء دوركم يا عيال
وكل بنفسه يحتسب بقدر ملبوسه
ويزول التطبع والطبيعة ما هي تنزال
ومن ركب طبع غير طبعه غدا حوسه
ترى المرجلة ودروبها عسرة وطوال
على اللي مراجلهم من الهون ملموسه
صعيبة دروب ما تهقوا بها الأنذال
ومن دونها حبل الردى قاصر قوسه
ولا يحتسيها كون من له قديم أفعال
معادن هله قبله على الطيب مفحوسه
مثل العد جمه ريهجان ولو ما سال
وإلا الرس ما ننصاه لو سالت ارموسه
لو أن المراجل بالتجارة وكثر المال
كان اقفى عليها تاجر المال بفلوسه
لا شك المراجل سوقها مشلهب اللال
إلى ضاق الوساع وصار في النفس مرجوسه
ظهر عند ذاك الوقت للكايدات أرجال
تحل العقود وتحكم الرأي وتدوسه
رجال على ما قيل تشهد لهم الأمثال
عليهم سمايا الجود والمجد مبيوسه
حليمين عراف إلى كثر القيل والقال
وتبين خفايا كان من قبل مدسوسه
وإلا صار من بين الشريفين مس حبال
تحل العقود أن كان للشر ممسوسه
ذكرنا العيال وصار في ذكرهم مجال
تجارب بشوف العين ما هي بمدروسه
تلقى في العيال بليهٍ ينقل الإثقال
وقت الشدايد ينقل الحمل ودعوسه
ولا ينهزع للحمل ولو زاد ثقل ومال
ولا يشتكي منه ولو كثرت احسوسه
وإلا عضبن ينقل مع الحمل زود أحمال
ويقرط على زود الشفتين بضروسه
ومثله عيال في المقفى وفي الإقبال
تروس سلوم المجد ماهي بمريوسه
والباقي رجال لا حرام ولا حلال
ارخوم ورايتهم من العز منكوسه
وتلقى ردي الساس مابين عم وخال
مخابيه من سر الفريقين متروسه
تهقويه نفسه للمراجل ولا يحتال
يطنب أرغاه إلى وطي الشد نسنوسه
ومثله امغيضير من سوق البلاء دلال
يجنب دروب الخير وللشر قابوسه
عيول بسيراته ولا ينطح العيال
وشره على ربعه يذاود بدبوسه
تلقى تفاصيل من الخام فوق أزوال
عيون تدارج والمفاهيم مطموسه
قلته وأنا مابري النفس من الازلال
وكل على حظه وبخته وهاجوسه
وسلامتكم
مواقع النشر (المفضلة)