فيوتشيني بالربيان
صباحكم إيطالي :24ar:
ومن دوامة التعب والانفلوانزا ورغبة في تحسين المزاج قررت ادخل المطبخ < مزاج خايس
ومشتهيه فيوتشيني ربيان زي حقت ماريز :24ar: طبعاً كل الطرق اللي
بالنت مادخلت مزاجي قمت جبت من كل طريقة شي وبديت الشغل
المقادير:
معكرونة فيوتشيني الإيطالية ويفضل نوع قودي الجديد :24ar:
كريمة الخفق (هي نفسها قشطة الخفق) ويفضل المراعي
ربيان مجمد ومنظف طبعاً اللي مكتوب عليه جاهز للطبخ
نصف بصلة مقطعه شرائح متوسطة الطول < لازم متوسطة الطول
فص ثوم مقطع صغير صغير او مهروس
نصف ملعقة خردل
وعصير ليمونه( أنا بدلته بملعقتين عصير الليمون الجاهز اللي نشوفه عند محلات الذرة ورح نلقاه في بنده موب للشرب هو للطبخ)
وشوي بقدونس مقطع
اممم للبهارات مارح نحتاج إلا كزبره ناشفه، فلفل أسود
وملح وماجي أبيض وربع ملعقة كركم الأصفر عشان
نأخذ منه اللون الأصفر
وبس نبدى البربسة
كان ودي أصور الخطوات بس ماكنت رايقه
الطريقة:
قبل كل شي نسلق المكرونة في مويه وشوي زيت وملح بعدين
أنا سويتها بصينية عشاني سويت كمية كبيرة ممكن
تسوينها بقدر اللي يريحك عزيزتي الحرمة
الموهيم نجيب الصينية ونحط فيها شوي زيت
وتقريباً نص ملعقة زبدة
ولما تميع فيها نحط البصل والثوم ونبدى نشوحهم سوا
إلين ما يقرب لونه للصفار بعدها بيكون الربيان عندهم
مطلع من فتره تأخذينه بدون مويته وتحطينه ع البصل
وتبدين تحركين فيها إلين تطلع ريحة الربيان وينكمش
شوي علامة أنه بدى يستوي :24ar:
اللحين البهارات بدون مقادير بنظرة عيونك حطي اللي
يناسب الكمية اللي أنتي مسويتها
شوي كزبرة جافه+ فلفل أسود+ ملح خشن+ماجي أبيض+ كركم أصفر(اللي بيعطينا اللون)
وحركي مع الربيان إلين تحسين الربيان خلاص استوا
اللحين نحط الخردل والليمون ونحرك بعد شويات
ونجيب كريمة الخفق أفضل ما أعطيك مقدار لها تحطين
بالقدر اللي يناسب الكمية اللي تسوينا أنا حطيت كأسين وربع تقريباً
وحركيها مع الربيان الين تحسينها بدت تغلي شوي وتثقل حطي البقدونس والمكرونة المسلوقه عليها
وصيري حركي بملعقتين او شوكتين إلين ما تختلط
كل الأشياء ببعضها وتشمين الريحه اللي تجيب العافيه :24ar::24ar:
خلاص خليها بس دقيقة وسكري الناس وقدميها ساخنة :24ar:
لذيذة والله جداً مع إني حست في المقادير لين قلت آمين
بس أول مره أكل شي أصلحه images11:24ar:
وبس بالهنا والعافية
صورة قريبة
قبل الأكل
وبس خلصت، لكم :25ar:
مواقع النشر (المفضلة)