السالفه عن الشاعر الكبييير بندر بن سروور اللي انا بصراحه احب قصايده حيل الله يرحمه بس بصراحه شااعر قل في زمننا هذا وشاعر بمعنى الكلمه

السالفه إن شاعرنا بندر كان يحب بنت عمّه وراح يبي يخطبها من عمّه ولكن عمّه فنْ عليه "فنْ" يعني شرط عليه ,, شرط العم على بندر ما يتزوجها إلا اذا جاب لها هاف لوري "يعني تريله أو شاحنه" و 100000 ريال << يعني ميّة ألف ريال المهم الرجال على قد حاله وماهو قد هالمبلغ والطلب فما أخذ بنت عمّه وللعلم انه كان عاشقها فقال شاعرنا هذه القصيده

[poem=font="Simplified Arabic,5,black,bold,normal" bkcolor="white" bkimage="" border="double,4,black" type=2 line=0 align=center use=ex num="0,black"]
يالله ياجال الامور المهمــــــــه = تجلا وهـــــج قلب برا حال راعيـــــه
البر دجته والبحر رحت يمـــــــه = يقطعك ياحظ على الله مساعيـــــــه
يوم ان ولد اللاش رزقه على امه = رزقي على اللي ميت القشع يحييـه
يامل قلب كل ما مات همـــــــــه =دارت دواليب الدهر لين تحييــــــــــه
فراق شمل الناس عيا يلمـــــــه =وقت يشيب الـراس من شاية فيــــــه
احد ينام وحاط راسه بكمــــــه =واحـــد تخم النوم عيـــنه وتخطيــــه
واحدٍ يحاول بالردى بنت عمـه = واحدٍ يحاول ستر عذرى عوانــــيــه
ماني وانا بندر ببياع دمــــــه = يقطعك يابيــــاع دمــــه ومهفيــــــه
اللي يبيع لابسات الازمــــــــه = ثور يــبا بيض الرعــــابيب تغنيـــــــه
يزعل ليا جت ليلة الدور يمــــه =يرضى بسوق المال فخوه وفابيـــه
خطو البخيل اللي يكبر معمــه = يقرا الكتاب وواجب الله يخليـــــــــه
إما هرج لك في رفيقه بنمــه =والا عطا وامه تضـــيع هقاويــــــــه
أنشدك ياللي كل فرض تتمـه = تقرا الكتاب وكل فـــرض تصليـــــــه
ويش القليب اللي غميق مجمـه = مافاد غرسه ماه وعطشى سوانيــه
تخالف الانظار شرق ويمــــــه = وكل هدف رآيه من الناس مرضيـــــه
سم السبب ياعارف عنه سمعه =سم السبب ياعارفه قبل اسميــــــه[/poem]

وبعد هذي القصيده يقال له بين ابناء عمومته مرجوج ((بصراحه أجهل سبب إطلاق عليه هذه التسميه أو بالأصح أعرف بس ماني متأكده من السبب أو إن السبب يتدخل شوي بالسياسه ))
وذهب في يوم لبيت أمير الروقه من عتيبه الشيخ تركي بن ربيعان وطق الباب وفتحت له الباب زوجته وهي مندسه ورا الباب وسئلها عن تركي بن ربيعان فراحت تنادي تركي بصوت عالي وتقول : تركي هذا خويك المرجوج عند الباب يبيك فسمعها بندر فقال هذي القصيده فيها:
[poem=font="Simplified Arabic,5,black,bold,normal" bkcolor="white" bkimage="" border="double,4,black" type=2 line=0 align=center use=ex num="0,black"]

يا سخيّف الذرعان مانيب مرجــــوج =رجتــــــني الدنيا بغدر وحيلـــــه
والله يالولا اللي على تاسع الفــوج = لأكب نجــــد وعزوه بالقبيـــــله
لا شك حاديني على نجد هـــيدوج = مسقى الفيافي لين يدرج مسيله
تركي ليا من الليالي غدن عـــوج =حملــه عتيبه كلها ماتشيلــــــــه
يرسى كما مينا البواخر على الموج= ومنين ماصك البحر ترتكيلــــــه
مادام تركي حي مـــــــاودي ادوج =وان غاب غبت من الرجوم الطويله[/poem]

(سخيّف = رقيق) ( الذرعان = جمع الذراع )
من أحلا القصايد اللي سمعتها وأحبها الى نفسي
.
.
.

بعد هذي القصيده يقال ان عقله زاد في اختلاله وبدا ينشد الشعر في اوقات مختلفه وطويله فيما بينها وكانت حكيمه على انها كانت تخرج من فم مجنون
وقد حير الشعراء قوة شعره والحكم اللتي بها خاصة بعد جنونه

يامااااال الجنه يا بندر بس الدنيا ماهي دايمه لحد بس لو قالو عنك مرجووج والا مجنوون ما يقلل من شأنك عمركم شفتوو مجنون يقوول كلام موزون ويقول شعر أجل ليتنا مجانين بإعتقادي كلام عذال ..

منقـــــوٍوٍوٍل