[poem=font="Simplified Arabic,4,darkblue,bold,normal" bkcolor="white" bkimage="backgrounds/4.gif" border="double,4,black" type=2 line=0 align=center use=ex num="0,black"]
هاضني مزنن يلوح البرق في عالي سحابه=هيض القلب المعنى ثم طرالي ماطرالي
كل دربن في حياض الموت والله مانهابه=تاركين الماء الهماج وشاربين من الزلالي
القلم والليل والمسرى مع حروف الكتابه=والسهر والهم والغربه مع جروح الليالي
والحبيب الي تركني ليه طول في غيابه=اه لو يدري عن الي بعد فرقاهم جرالي
من ثلاث سنين صابر واتحرى لو جوابه=لعنبوه الشوق مايرحم ولدري وش نوالي
عزتي للي سواتي كل هاجوسن سرابه=ساهرن في طول ليلي ماعرفت اقرى سؤالي
من يجيب العلم من مضنون عيني وش جرابه=هو يبي قربي او إنه عننا لاهي وسالي
الزمن بيني وبينه ضدنا كشر بنابه= ماصفا وقته وانا ما أظن وقتي قد صفالي
صرت انا ومضنون عيني مثل ضميان وسرابه=ينظر المويه وصعب من السراب انه ينالي
يامشاري لو تشوف الي خذى عقلي جنابه=والله لتعذر عيونن دمعها عالخد سالي
خالقه جل وعلى سبحان خالقه اعتنابه=كامل الاوصاف محبوبي ولله الكمالي
الهنوف الي غلاها عذب القلب وغدابه=بنت (_____) اذبحتني بالجمال وبدلالي
ياهل المعروف ردو باغين منكم إجابه=وش يسوي الي صبر والصبر فيه اليوم طالي[/poem]
الشاعـــــــــر / محمــد السميــــري
مواقع النشر (المفضلة)