ياصاحبي لو تدري الحال وشلون
ماكان قلبك له عليه ملامه
لالا يغرك منظر الشكل واللون
وجه الحزن مخفيه خلف ابتسامه
قلب" خفا الونات تكشفه لعيون
ناظر عيوني للمأسي علامه
ماودي اظهر شي بالصدر مكنون
يشمت بي الي ما يحسب كلامه
بعض البشر قلبه كما كنز مدفون
والوجه يشبه للقمر في تمامه
الا دقل يسوى من الناس مليون
وان غاب كن الكون عقبه عدامه
شرواك يامشفي صدر كل مغبون
رجلن فرض بالطيب غصب احترامه
مواقع النشر (المفضلة)