[poem=font="Simplified Arabic,6,white,bold,normal" bkcolor="transparent" bkimage="http://static.flickr.com/31/48959898_b01c9063f9.jpg" border="none,4,gray" type=2 line=0 align=center use=ex num="0,black"]
يحق لك تجفا وتزعل عليّه=ويحق لك ارضيك حشمه وتقدير
مخطي عليك ولاقصدت الخطيه=طالبك تعذرني على كل تقصير
تدري غيابك سبّب اقسى اذيه=خلا حياتي لغز من دون تفسير
تدري غيابك صعب ماشفت زيه=تدري عذابك غير يامعذبي غير
ويلاه من طرياك وقت ضحويه=والموت لامن قرّبت حزة عصير
تقول ميت لكن الروح حيه=يالله سترك من عبوس المقادير
افرك يديني بين روحه وجيه=من كثر ماامشي تعبتني المشاوير
احس قلبي فيه مليون كيه=غير الجروح اللي لفتني طوابير
ماغبت عن عيني ولو هو شويه=صرت الهجوس اللي ملك كل تفكير
لامرني طيفك يعانق عينيه=تطيح جمره من عيون المحاجير
طبعك وفي ياللي علومك وفيه=احساس صادق مادخل فيه تزوير
ياما عطيت ولاانتظرت العطيه=امير في طبعك ولا مثلك امير
بس الوكاد ان المشاعر شقيه=ياللي بغيابك ذقت سم المخاسير
لا وهني اللي حياته هنيه=يكفخ بجنحانه عن الهم ويطير
يحق لك تبعد وتزعل عليّه=والله يعدي مابقالي على خير [/poem]
مواقع النشر (المفضلة)