يـكـفي عـذاب أرجـوك
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أرجوك أنا اللي حب الأشواق داعيني=الروح تعشق والغلا عايش فيها
بايع تراني كان ماأنته إبشاريني=خل الوفا جانب عسى البعد يمحيها
عيش الزمان اللي بقا لا تراعيني=غادرغرامي عيش بالوقت باقيها
تختارمن حقك وأناالله يغنيني=دنياك ماوقفت عليكم لياليها
تلقا وأنا ألقا والبلد فيه غاليني=ولا تنجبرنفس على حب جافيها
حاولت في كلمة وداعك إتواسيني=هذي كبيره منك حنا إنمشيها
لمن سليْت الود ياشوق ساليني=النفس تسلا مثل سلوان ساليها
وكنك هجرت االود بالبعد ناسيني=خلك على فالك وأحاول تناسيها
إن كان قلبك ياهوى البال عازيني=مافيه حيله بالغلا وأنت عازيها
الله يعين أبغا أتناسا على الزيني=وأترك مجالك لوطرى ليْ طاريها
وشعاد لوهجرك بالأعماق كاويني=صبري على نفسي عسى الله يبريها
من جرحك اللي فيه قاصد وعانيني=تجرح خفوقي عمد يازين عانيها
طربة حياه أول ودادك إيسليني=لكن محيْته ناوي البوق ناويها
والله ماأواسي غلا مايواسيني=ملزوم نسيانك من أول وتاليها
أرخصت سعرالحب ماله مثاميني=منك البدايه والنهايه إنلاقيها
حقي عذاب أغليك وأنته إتجافيني=ماتستحي كم من حيال إتسويها
رح في طريقك روح بالله خليني=إهجرعلى كيفك إمحاسبك واليها
الله وليك والي الكون يشفيني=من علتك وأمراض قلبي إيشافيها
مافيه شي للمواساه حاديني=ودك تذوقنا مراره وحاليها
هذي إمعاناتي ولالي معاويني=فيما جرالي من هواي وبلاويها
الفود والمصلوح بيحة مكانيني=سدي من المكنون بيحت خافيها
<يالله عسى مولاي منكم إيعافيني=أبرى وتبرى من إفوادي مشاكيها
آخرإحلول الهجركنك إتجازيني=شربت غثروبك ولا ذقت صافيها
منك السلامه رجحتلي موازيني=سلمت عدينا ترانا كباريها
كنابكم في مجمل القيل غاويني=نلعب على قوس شقينا بأغانيها
مع السلامه لاتذكروتطريني=مافيه داعي لاتكررطواريها
إترك ظمايه دام ماأنته إبمسقيني=خل الموده لاتورد ظواميها
بلاش من حب بغيته وعاصيني=خليْت هالعشره ولاني إمقاصيها
مادام مافيني من الجرح كافيني=قضيت ألا ليتك غرامي إتخليها
[/poem]
شعر : ملك القوافي
رد مع اقتباس
مواقع النشر (المفضلة)