تفاح..!
والفرح..!
مَاله ملامح..!
والحزن. /
له لون فَاتِح..!
تفاح..!
جَرح..!
وتَرتيب..! صَرح..!
وعَاصِفَه..!
وَالحَقيقَه..!
بيت حِزن..!
ودَله وفِنجَال..!
وَسِجَال..!
/
يَاعيد حَسسنـي بقربـك وصبحِـك . .
الفَرح مَامِن فَرح يَاسيـد الافـراح . .
يَاكبر حِزني وانت يَاكبـر فَرحـك . .
شَحّيت بأفراحك عَلى بَعض الارواح . .
مِحتَاج لِك يَاعيـد مَليـت جَرحـك . .
عَامين لا فَرحَه ولا القلـب مِرتَـاح . .
يَاطول صَبري وانت يَاطول شَبحك . .
رِسَمت للافراح في قلبـي اشبَـاح . .
كسبت ذنبي يـوم غزيـت رمحـك . .
ورسمتني للحزن في بطن الالـواح . .
حرمتني قربـك وشوفـك ولمحـك . .
والحزن ماشا الله موفّـي ومجتـاح . .
ادورّ اربَاحـك ولا شِفـت رِبحـك . .
والنَاس تَحسبني معك جَاني اربَـاح . .
اكلمـك وانـت اتكلّـم وتَضـحـك . .
اكلمّك وانَـا مِعـك كلـي اجـراح . .
غزّيت مِن بيـن المعَاليـق رِمحـك . .
وضلوع صدري كلها سهام ورمَـاح . .
فإن طَال بِك وقتك وعمرك وشرحك . .
مَاطَال بي عمري والاوقَات مِسبَـاح . .
مَافَاد مدحي لك ولـو زدت مَدحـك . .
سَريت لك مـرّه ومـرات مِسـراح . .
وقلطتني حزنـك ورديـت فرحـك. .
واطيب لأخذته جرح في شكل تفاح . .
مشكور ماقصرّت جِـدّك ومزحـك ..
يمكن معَ غيري من النَـاس تِرتَـاح . .
للشاعر// فواز المطيري
مواقع النشر (المفضلة)