اذا حسيت بالبرد اشرب زنجبيل>>>>> حكمة اليوم :)
سلام عليكم
اول شيء
سؤال صريح : انتم بردانين مثلي او لا؟
انقطع قلبي من البرد
قلت يالله باشغل المكيفات واقووم اشغلها في هالصبح
ويوم استانست وحاولت اعاود نومي
الا وشيء غريب
افاااااا انقطعت الكهرباء
وش بلاها ؟
شكل الحارة كلهم مشغلين مكيفاتهم وما تحمل العداد
حسبي الله ونعم الوكيل
ياربيييه متى يجي الصيف ؟
عموما مالكم بالطويلة>>> هي تنقال كذا ؟؟im3
مرات من المرة اتصلت علي زميلة لي وقالت انا عازمتكم باستراحة
الاسبوع الجاي وابيكم تجون والا بازعل
عاد انا ما صدقت احب الاستراحات خاصة اذا فيها العاب ونطيطه
قلت ابشري ولا تزعلين الخميس الجاي وانا عندك
جاء يوم الخميس
وعقب ما تقهويت انا واهلي بعد المغرب
رحت كشخت ولبست
لين طلعت اشبه هذي
عقب المغرب جا سواق اهلي المصون
قلت لامي تبين توصلينا ومنها تغيرين جو
والا برد عليك بترتاحين
قالت لا باروح معكم
واشوى انها راحت
الاستراحة كانت على طريق الدمام
وبصراحه انا ما اخذت الوصف من زميلتي
اختي خذته
وصلنا لمخرج 8 وقالت اختي شوفي اذا شفت قاعة اميرة على يمينك الاستراحة بتلاقينها مباشرة على اليسار بس لازم نطلع الكوبري
قلت طيب
جت القاعة ونلقى الكوبري قدامنا
قلت ابشري وصلنا طلعنا الكوبري ولا عاد لقينا اي مخرج يخلينا نرجع للاستراحة
هنا الطامه
ندور مخرج يمين يسار
في اي مكان المهم مخرج وبس
ماش ماضبط الوضع
شوي وتجي لوحات مدري وش تبي
واكتشف ان حنا ماسكين طريق الدمام
ونوقف عند محطة نعبي بنزين ونخلي السواق الرائع يسأل فيه مخرج
قال الهندي اللي بالمحطة
فيه بعد 20 كيلو
ياليل ما طولك :14ar:
وبهذا الوقت والروووعه فيني زميلتي تتصل وينكم ؟
ضيعتوا ؟
قلت لا بس رايحين نكمل لنا شغلة وجايين
ونمشي ونمشي ونمشي
لقينا لوحة مكتوب عليها الرياض والسهم يشير يمين
قلت للسواق يمين بسرعه
وهو مع الخرشه لف مع لفه قبل اللفة المطلوبة
ونطب في مصانع واماكن غريبة جدا
جتني الصيحة
ابي اصيح بس خفت مكياجي يخرب ثم يطلع شكلي موحلو
قلت بلاش بعدين اصيح
شوي والخبل حق اهلي واقف على جنب وموقف سيارة بهالظلام
تروعت من جد على طوول حضنت امي وولدي
وقفلت الابواب يازين يوم تحس بالامان
رجع السواق وتقوم اختي وتهوش عليه
اشوى الرجال طلع محترم وقال امشوا وراي
بس انا خايفة من جد
طولنا وحنا نمشي لين وقفنا عند الاشارة ذيك الساعة فرحت شفت الناس والعالم والانوار
واقرأ والا حنا بالجنادرية شلون وصلنا هناك مدري ؟؟im3
ويمشي الرجال بنا الى مخرج 8 مرة ثانية
وودعنا وهويقول في نفسه الله يستر عليكم ويوصلكم بالسلامة
وصلت عند القاعة وقلت للسواق انزل من تحت الكوبري واخذنا يوتيرن
ووصلنا للاستراحة بكل سهولة ويسر
ما يستفاد من القصة
1- مهما كان المشوار دائما خذي امك او احد كبير معك
2- لا تاخذون بوصف الحريم تراهم من جنبها :3ar:
3- لا تصيحون اذا ضعتوا لانكم ماراح تستفيدون شيء غير القلق
4- السواويق حاولوا تاخذون سواق ذهين
5- اذا رحت استراحات بالبرد لاتفكرون انكم تلعبون لاننا انحبسنا بالغرف وما طلعنا
حطيت هالايقونات بالموضوع علشان جنون يقرأ الموضوع للاخر
احسهم عياله لو ماشافهم جن علينا
وش قاعدين تنتظرون خلاص انتهينا
بااااااااي
مواقع النشر (المفضلة)